Lur guziak du ikusia
Salbamenduko iguzkia.
Kanta Jaunari kantu berri,
Harek eginak oro baitire miragarri.
Salbatzaile da jeiki Jauna :
Ikusi dute zoin ona dugun, zoin zuzena.

Lur guziak du ikusia
Salbamenduko iguzkia.
Izraelentzat zer laguna !
Erakutsi du bere betiko bihotz ona.
Lur guziak du ikusia
Gure Jaunaren salbamenduko iguzkia.

Lur guziak du ikusia
Salbamenduko iguzkia.
Kanta Jaunari lur guzia :
Pitz eta kanta, bai bozkaria, bai loria.
Egin Jaunari soinu, kantu :
Jo xirribika, jo salmo-ttunttun eta xistu.

Lur guziak du ikusia
Salbamenduko iguzkia.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat beherago:

Salbatzaile bat zaiku sortu :
Hura da Kristo, jaunen Jauna !
Kanta Jaunari kantu berri,
Kanta guziek herriz-herri.
Kanta Jaunaren izenari,
Mundu guzia jauz kantari.

Salbatzaile bat zaiku sortu :
Hura da Kristo, jaunen Jauna !
Aipa noiz nahi munduari
Zoin den orotan salbagarri.
Hura goraipa herriz herri,
Eman lurrez lur Haren berri.

Salbatzaile bat zaiku sortu :
Hura da Kristo, jaunen Jauna !
Zeru lurrak, pitz, egin kantu,
Itsas uhainek orro-soinu.
Zelaiek, eman bozik fruitu.
Oihan zuhaitzek, egin oihu.

Salbatzaile bat zaiku sortu :
Hura da Kristo, jaunen Jauna !
Bai egin oihu, soinu, kantu :
Heldu baitzaiku Jauna, heldu.
Dena behar du Hak zuzendu,
Dena zuzendu munduz mundu.

Salbatzaile bat zaiku sortu :
Hura da Kristo, jaunen Jauna !

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et’erdi beherago:

Piztu naiz, piztu, baitut entzun:
Goazen Jaunaren etxeraino.
Piztu naiz, piztu, baitut entzun:
Goazen Jaunaren etxeraino.
Hara non orai bagaitutzun,
Jerusaleme, atetan so.

Piztu naiz, piztu, baitut entzun:
Goazen Jaunaren etxeraino.
Jerusaleme, hiri gaitza.
Denen biltzaile den bihotza
Jaunaren haurrak, haurrak oro,
Horrat doatzi lerro lerro.

Piztu naiz, piztu, baitut entzun:
Goazen Jaunaren etxeraino.
Jaun izenari zor bezala,
Kantatu behar diotela.
Hor du zuzenak zuzen alki,
Dabiden semeak hor egoki.

Piztu naiz, piztu, baitut entzun:
Goazen Jaunaren etxeraino.
Jerusalemek, otoi, bake.
Zuri daudenak bozik beude.
Bake dadila zure baitan,
Egun gozoak jauretxetan.

Piztu naiz, piztu, baitut entzun:
Goazen Jaunaren etxeraino.
Anaien eta denen alde,
Otoizka diot: zuri bake!
Jainko Jaunaren etxeari,
Zerutik, otoi, on-iturri.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat beherago:

Guziek egun bihotzez dugun Jauna entzun.
Zatozte, kanta Jainkoari,
Pizten gaituen Harrokari.
Joan gitzaiola soinuz ari,
Jaunari denak jauz kantari.
Zatozte, kanta Jainkoari,
Pizten gaituen Harrokari.

Guziek egun bihotzez dugun Jauna entzun.
Zatozte haren otoizteko,
Gauden ahuspez belauniko.
Jaunak eginak garelako,
Hura dugu bai denek Jainko.
Gu Jaunarena den jendea,
Eskuz dabilan artaldea.

Guziek egun bihotzez dugun Jauna entzun.
Egun agian, zuek egun,
Jainko Jaunaren deia entzun.
Ez bihotz gogor, otoi, izan,
Nola Meriban eta Mazan.
Aitek han gogor egin zuten,
Nik eginer hotz egon ziren.

Guziek egun bihotzez dugun Jauna entzun.

Itzulpena : Xavier Diharce – Iratzeder O.S.B.
Airea : Gabriel Lerchundi O.S.B.
Tout droit propriété de l’abbaye de Belloc

Tonu bat et ‘erdi beherago:

Nahi nitzaio Jainkoari
bizi naizeno kantuz ari.
Bertzek joentzat Jauna zuzen,
Harek betiko ditu zaintzen.
Gosetueri harek ogi,
Gakotueri harek argi.

Nahi nitzaio Jainkoari
bizi naizeno kantuz ari.
Itsutueri Jaunak begi,
Lehertueri dio: Jeiki.
Jaunak laguntzen urrun joanak,
Hazten umezurtz, alargunak.

Nahi nitzaio Jainkoari
bizi naizeno kantuz ari.
Jaunak zuzenak ditu maite,
Gizon makurrek traban dute.
Jainkoa Jainko betiere:
Gure Jauna Jaun mendez mende.

Nahi nitzaio Jainkoari
bizi naizeno kantuz ari.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et ‘erdi beherago:

Jainkoaz kanta, nola duen
dohakabea goraltxatzen.
Jaunaren haurrek, aipa Jauna,
Aipa kartsuki Jaun izena.
Jaun izenari agur aspe,
Bai orai eta betiere.

Jainkoaz kanta, nola duen
dohakabea goraltxatzen.
Nor da munduan nola Jauna
Zeru gainetan Jaun dagona?
Zeru lurretan den xumena
Harek ikusten, hain da ona.

Jainkoaz kanta, nola duen
dohakabea goraltxatzen.
Dohakabea du altxatzen,
Errauts zokotik argiratzen,
Jaun handietan ezar dezan,
Bere herrika handietan.

Jainkoaz kanta, nola duen
dohakabea goraltxatzen.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat beherago:

Xutituko naiz, bai eta joanen Aitarenganat.
Urrikal zaite nitaz, Jauna,
Hoin duzu eta neurrigabeko bihotz ona.
Nere hobena ken errotik,
Garbi nezazu, garbi osoki bekatutik.

Xutituko naiz, bai eta joanen Aitarenganat.
Bihotz garbia ezar nitan,
Eta funtsezko xede azkarrak har ditzadan.
Zure begitik ez ni haiza,
Ez, izpiritu saindua kenduz, huts bihotza.

Xutituko naiz, bai eta joanen Aitarenganat.
Jauna, ezpainak zabal neri,
Nere agoak goraipa zaitzan herriz herri.
Har beraz nere urrikia:
Har, otoi, Jauna, bihotz apaldu errautsia.

Gure geriza zaude zu, Jauna, mendez mende.
Hilkor gizonak sar diten berriz errautsean,
Zuk erran duzu:  » Gizonak, berriz errauts izan. »
Mila bat urte zure begien aitzinean,
Atzoko egun ala gauaren idurian.

Gure geriza zaude zu, Jauna, mendez mende.
Hartzen dituzu eta hek amets baten pare,
Nola belarra hek sortu eta hil baitire.
Argi hastean handitzen eta dena lore,
Gauerakoan histen, ihartzen, ez deus ere.

Gure geriza zaude zu, Jauna, mendez mende.
Gure egunez erakuts guri zer diozun,
Gaiten gogotik zuhurtziarat hel, zu lagun.
Gu ganat itzul; noiz arte, Jauna, zaude urrun?
Zure direnez urrikaldurik, otoi, entzun!

Gure geriza zaude zu, Jauna, mendez mende.
Bihotz beteka goizetik ixur amodio,
Goiz-arrats dugun bai kantu eta bozkario.
Gure gainean bego Jaunaren bihotz ona:
Zuk lagun zazu gure eskuek egin lana.

Gure geriza zaude zu, Jauna, mendez mende.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

R Idiarten omenez  Ainhoak

Bai goretsia Jainko Jauna :
Apalak ditu goraltxatu!
Gizon zuzenek Jainkoari so jauzi kantu :
Bozaren bozez Jaunari zaizko dantzan bildu.
Kanta Jaunari, hura baitoa zeruz zeru:
Pitz eta kanta, haren izena Jauna baita.

Bai goretsia Jainko Jauna :
Apalak ditu goraltxatu!
Umezurtzekin begiratzen du alarguna:
Horra zer zaikun bere egoitzan ari Jauna.
Deika denari emaiten dio zoriona;
Suzko lurrean uzten, haatik, aiher dena.

Bai goretsia Jainko Jauna :
Apalak ditu goraltxatu!
Ixuri duzu zure haurreri on-iturri,
Heien indarrak, indar galduak, diten berri.
Zure jendeak egoitza zuen hortxet jarri,
Zuk apaindurik hoin maite duzun zure hori.

Bai goretsia Jainko Jauna :
Apalak ditu goraltxatu!

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat beherago:

Zoazte guziak munduz mundu
Berri onaren hedatzera.
Aipa zazue jende guziek Jainko Jauna,
Herri guziek erran goraki zoin den ona.
Guretzat duen amodioa betikoa,
Haren egia menderen mende nausi doa.

Zoazte guziak munduz mundu
Berri onaren hedatzera.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et ‘erdi beherago: