Tous les articles par admin1653

Non classé

Bangladesh. Herrian gelditu diren haurrak zaindu

Laguntza katolikoak, Caritas-ek lagundu proiektua

 

➤Badu bost urte, emazteak lekuz aldaratzen direla gero eta gehiago Bangladeshen. Lanbide duinago eta emankorragoak bilatzen dituzte, sorterrian utzi dituzten haurren bizimaila hobetzeko. Ordea, haurrak beren ber utziak dira, zailtasunak dituzte osasun eta hezkuntza zerbitzuetara jotzeko. Ahantzi gabe abandonatuak sentitzen direla.

 

➤Laguntza katolikoak OKUP deitu zerbitzua irekia du haur horiek laguntzeko biziari ohartzen elkarte batzuetan, beren osasuna eta higienaren betebeharrak ezagutzen, bai eta bidenabar beren ongizatea indartzen. Programa horretan badira ehun haur. Okup-ek laguntzen ditu ere amak sorterrirat itzultzen.

Haurrak, Katixima, Katixima euskaraz

Thailandia. Haur migranteei giza eskubideak erakatsi

 

 

CCFD-Terre Solidaire-ek lagundu proiektua

 

➤ Thailandiak kasik lau milioi migrante hartzen ditu, gehienak Birmaniarrak. Ordea Birmaniarren eskubideak maiz zangopilatuak dira, haien haurrek ere ondorioak jasaiten dituzte. Haur migrante horietarik %20 bakarrik eskolatuak dira. Anitzek lan egin behar dute. Kautzu-landetan, obra lantegietan, arraintzan edo turismoan non abusatuak izan daitezkeen..

 

➤  Haur horiek esperantzarekin handitzen laguntzeko “Foundation for Education and development” elkarteak haur birmaniarrak eskolatzen ditu pobreziatik ateratzeko helburuarekin. Eskolaz gain, “haurrak mugi” deitu programa proposatzen die. Helburua hauxe da : haurrak moldatu beraien eta beren komunitateen eskubideak ezagutzen eta zaintzen.

Bost eguneko formakuntza baten kari, giza eskubideen aitormen unibertsala eta ere haurren eskubideen ituna ikasten dituzte, eta engaiatzen dira giza eskubideen bortxaketak borrokatzerat. Horrela formatuak diren haurrek bestei erakusten die ikasi berri dutena

Non classé

Iguzki kilometroak kanpaina

Elizako hamar elkarte eta zerbitzu biltzen ditu kanpaina horrek urtero.

Urtero, 250 000 haurrek partzen hartzen dute « iguzki kilometroak » kanpainan. Iguzki proiektuak ezagutzen dituzte.

Munduan gauzak aldatzen saiatzen diren haurren bizia ezagutzen dute.

Nahi baduzu, zuk ere parte hartzen ahal duzu, menturatzen ahal zira zure lagunekin, edo zure familiarekin…

Iguzki kilometroak , zer da ?

Frantzia guzian den kanpaina baten izena da, 7urtetik 11 urterainoko haurrek eta haien familiek parte hartzen dute.

Zure ingurumena ezagutzen eta zaintzen ikasiko duzu, ekintza zehatzetan sartuko zira, eta zailtasunean diren haur batzuk ezagutuko dituzu.

Sosa ere biltzen ahalko duzu, haur horiek laguntzeko Frantzian eta beste herrietan ere.

Hiru helburu ditu kanpaina honek :

– munduan diren haurren bizia ezagutu, eta ere haien zailtasunak (bazterketa, pobrezia, eta abar…)

– elkartasun unibertsalari ireki, garapen ekintzak ezagutu eta haien partaide bilakatu.

– Aberastasunak partekatu, eta garapen proiektu batzuk sustengatu.

Non classé

Iguzki kimometroen historia

1958 urtean, Jean Rodhain apezpikuak katoliko talde batzuekin « iguzki kilometroak » asmatu zituen, elkartasunezko ekintza bat haurrentzat eta haurrekin pentsatua. Pentsatu zuen haurrak asmatzaile, XXIgarren mendeko aktore, munduari idekiak izanen direla. Iguzki kilometroak eman zion ekintzari izena, haur pobreak ere  oporretara iguzkirat joan daitezen.

Huna zer izan zen kanpainaren mezua 1958urtean :

(Jean Rodhain apezpikua, “laguntza katolikoaren sortzailea)

“2000 urtean Pariseko apezpiku izanen dena 1945an sortua da. Orain 12 urte ditu. 2000 urteko ministro eta arduradun izanen direnak, aurten 10 edo 14 urte dituzten haurrak dira : orain josteta, irriz eta lanean ikusten ditugun haurrek 2000 urtean 55 urte ukanen dituzte.

Haur horiei galdegiten badiet partekatzea xokolatea auzoarekin, elkartasuna auzoekin ikasten dute, eta hori premiatsua da.

Baina, ikusten ez dituzten haurren zailtasunak ikasten badituzte, eraikia ikusiko ez duten proiektu batentzat laguntza galdegiten badiet, orduan bai, mundu osorat zabaltzen den elkartasuna ikasten dute. Manatuko duten mundua sozial mailan gaurdanik ikusten ikasten dute…  Eta gu, orduan, beste mundurat joanak izanen gira.

gaurko haurretarik jinen dira 2000 munduko aberastasunen banaketak, indarrak eta goseak

1958an, Frantzia guztian zehar ibili zen karabana bat, Bruselatik (han baitzen erakusteka unibertsala), Lurderaino (Ama Birjinaren agertzeen 100 urteak ospatzen baitziren).

Aldi guzietan, asko hiritan, biltzar eta bestak izan ziren

Non classé

102. C. Eskerrak eman. 7. ig

Jainkoak badu bihotz on eta urrikalmendu.

Eskerrak eman, nere arima, Jainkoari;

Nere barneko guziek haren izenari.

Eskerrak eman, nere arima, Jainkoari,

Ez nehoiz ahantz zoin usu zaitzun urrikari.

Jainkoak badu bihotz on eta urrikalmendu.

 

Harek barkatzen, noiz baitzare zu makur ari,

Indar emaiten, ahul bazare, ala eri.

Libratzen zaitu, kasik baitzare hil erori,

Emaiten dautzu amodioa minen sari.

Jainkoak badu bihotz on eta urrikalmendu.

 

Ona da Jauna eta guzien urrikari,

Ez hasarrekor bainan bihotzen altxagarri.

Gaizkien arau ez zaiku Jauna nehoiz ari,

Ez eta ere hobenen arau lotzen guri.

Jainkoak badu bihotz on eta urrikalmendu.

 

Bi zeru aldek ezin neholaz jo elgarri:

Gure hobenak gutarik urrun hak ezarri.

Nola baitio aitak behatzen semeari,

Hala da Jauna, Jainkozaleen urrikari.

Jainkoak badu bihotz on eta urrikalmendu.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et’erdi beherago:

Helduak, Salmoak

01. C. Bai dohatsua. 6.ig

 

Bai dohatsua Jaunari dagon fededuna.
Bai dohatsua zuzen ibilki den gizona:
Ez du onartzen gizon makurrek diotena.
Bekatoreen bidean ez da hura sartzen,
Ez eta ere trufatzaileen lagun jartzen.


Bai dohatsua Jaunari dagon fededuna.
Zuzen denari Jainko legea zer gozoa!
Gau eta egun haren legean du gogoa.
Iduri luke ur bazterrean den zuhaitza:
Ordu denean fruitu nasaiak baitakartza.


Bai dohatsua Jaunari dagon fededuna.
Haren ostoa ez da zimeltzen, ez erortzen:
Egin guziak ongi doazko eta zuzen.
Ezta ez hala gizon makurrez, ezta hala:
Bainan haizean lasto-errautsa den bezala.
Gizon zuzenen urratsak Jaunak zaintzen ditu,
Gizon makurren bideak, aldiz, onik eztu.

Bai dohatsua Jaunari dagon fededuna.

Itzulpena : Xavier Diharce – Iratzeder O.S.B.

Editions EZKILA . Tous droits réservés.

Tonu bat et ‘erdi beherago

 

 

Helduak, Salmoak

137. C. Eskerrak zuri (5. ig)

Gaur aingeruen aintzinean,
Dugun Jaunari esker eman!
Eskerrak zuri, eskerrak, Jauna, bihotz osoz
Otoizka entzun nauzulakotz.
Aingeruak so, zaitut zu kantuz aipatuko,
Tenplo alderat belauniko.

Gaur aingeruen aintzinean,
Dugun Jaunari esker eman!
Eskerrak zuri, on baitzare, on eta zuzen:
Zuk hitza funski atxikitzen.
Nik zuri oihu egin orduko, zuk ni entzun:
Zer indar gaitzaz bete nauzun.

Gaur aingeruen aintzinean,
Dugun Jaunari esker eman!
Eskerrak zuri, lurreko jaunek orok betan,
Zuk hitzemanak aditzean.
Jaunak eginez guziak kantuz badabiltza:
Bai Jainko Jaunak ospe gaitza.

Gaur aingeruen aintzinean,
Dugun Jaunari esker eman!
Zure eskua luzatuz nauzu beti zaintzen,
Zu, behar deno, zain egonen.
Zuk duzu, Jauna, betiereko bihotz ona,
Sekulan ez utz hasi lana.

Gaur aingeruen aintzinean,
Dugun Jaunari esker eman!

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et’erdi beherago:

Helduak, KANTAK

Artzain ona A33

 

1 –

Artzain ona mortuz mortu dabila,

Galdua den ardiaren bila..

Goazen deika, Jesus Jauna bezala :

Artalderat denak doatzila.

Jesus, eman bihotz eta sineste :

Salbatzaile gutan bizi zaite. (bis)

2 –

Zenbat gazte argi bila dabiltzan,

Ez jakinez nola nun zer izan…

Sar ditela gurekilan Elizan,

Jesu Kristok argiz bete ditzan.

Jesus, eman bihotz eta sineste :

Salbatzaile gutan bizi zaite.(bis)

3 –

Bekatuak zoin maiz ari dituen

Batasunak, familiak hausten…

Denak berriz batetara gaitezen,

Dugun ezar Jesu Kristo lehen.

Jesus, eman bihotz eta sineste :

Salbatzaile gutan bizi zaite. (bis)

4 –

Bazterretan zenbat herra den sortu :

Haurrideak etsai egin ditu :

Hastiatuz, ez elgarri egin tu ;

Elgar maitez, denek egin kantu.

Jesus, eman bihotz eta sineste :

Salbatzaile gutan bizi zaite. (bis)

Hitzak Iratzeder
Kantua: Lapurdi irratiak grabatua Camino apezaren ehorzketetan

Melodia soilik:

Helduak, Salmoak

70. s. C. Zu zaitut, Jauna. (4. igandea)

Nere ahoak erranen du
Zutan dugula salbamendu.
Zu zaitut, Jauna, goza nahi,
Zu gaztedanik bihotz argi.
Sortzetik zaizkit zain egoki,
Beti zurea naiz osoki.

Nere ahoak erranen du
Zutan dugula salbamendu.
Ainitzeri naiz harrigarri,
Zu zaizkit-eta zain etorri.
Ezpainak ditut kantuz ari
Goiz-arrats zure ospeari.

Nere ahoak erranen du
Zutan dugula salbamendu.
Nik zuri kantu, Jaun zuzena,
Goiz-arrats kantu; zer laguna!
Gaztetik nauzu zuk argitzen,
Ni zutaz kantuz ar nadien.

Nere ahoak erranen du
Zutan dugula salbamendu.
Geroko jendek duten entzun
Zuk zenbat duzun zuzentasun.
Zuk zenbat gauza egin duzun,
Parerik, Jauna, zuk ote nun?

Nere ahoak erranen du
Zutan dugula salbamendu.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et’erdi beherago

 

Helduak, Salmoak

18. C. Jainko legea

Jaunaren poza gure indarra betirako.
Jainko legea on ona da,
Bihotz gogoen pizgarria;
Jaunaren hitza ezin alda,
Jende lañoen zuhurtzia.

Jaunaren poza gure indarra betirako.
Haren manuak beti zuzen,
Bihotzarentzat bozkario.
Garbiki dute joanarazten
Soari argi baitzaizkio.

Jaunaren poza gure indarra betirako.
Jainko beldurra zoin garbia,
Menderen mende garbi doa.
Jaunak errana zoin egia,
Gezur izpirik gabekoa.

Jaunaren poza gure indarra betirako.
Nik erran hitzak onar-zkitzu,
Nere bihotzak derrautzuna.
Zuri ari naiz: zu zaitut zu
Nere harria, nere Jauna.

Jaunaren poza gure indarra betirako.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et ‘erdi beherago: