Archives de catégorie : KANTAK

Haur kantu, Haurrak, KANTAK, Katixima euskaraz

Zoazte iduzkitatzera

Pantxika Solorzano

partitura

Zoazte iduzkitatzera

Gaurko eguna argitzera.

Zoazte hazi ereitera,

Itxaropena emaitera munduari .

 

Batzu bertzeen griñak

Partekatuz batera ,

Zuhaitz bat landa

maitasun bidean.

Zoazte iduzkitatzera

Gaurko eguna argitzera.

Zoazte hazi ereitera,

Itxaropena emaitera munduari .

 

Ondokoa entzunez

Hari kasu eginez,

Zuhaitz bat landa

Bakearen bidean.

Zoazte iduzkitatzera

Gaurko eguna argitzera.

Zoazte hazi ereitera,

Itxaropena emaitera munduari .

 

Soleimendu eskainiz

Bihotz ilundueri ,

Zuhaitz bat landa

Zorion bidean.

Zoazte iduzkitatzera

Gaurko eguna argitzera.

Zoazte hazi ereitera ,

Itxaropena emaitera

munduari, munduari.

Hitzak : G. Solorzano

Airea : M.Wackenheim

-_-_-_-_-_-_-_-_-_-_-_-_-_-_-_-_-_-_-_-_-_-_-

Norberak kantatzeko (Tonu bat beherago)

Haur kantu, Haurrak, KANTAK, Katixima euskaraz

Zure erreinua

Kantari: Peio Ospital

Partitura

Zure erreinua oihukatzen dugu Jauna

Zure erreinua, zure erreinua Jauna.

 

Zuzentasun ta bakearen erreinu,

bizitza eta egiaren erreinu.

Zure erreinua oihukatzen dugu Jauna

Zure erreinua, zure erreinua Jauna.

 

Maitasun eta graziaren erreinu,

Gu guztiongan* bizirik den erreinu.

Zure erreinua oihukatzen dugu Jauna

Zure erreinua, zure erreinua Jauna.

 

Munduko ez ta munduan den erreinu ,

askatasunez iristen den erreinu.

Zure erreinua oihukatzen dugu Jauna

Zure erreinua, zure erreinua Jauna. (bis)

*Guzien baitan

Norberak kantatzeko (Tonu bat beherago)


Haur kantu, Haurrak, KANTAK, Katixima euskaraz

Zu bihotzean

Graxi eta Pantxika Solorzano

Partitura (Graxi eta Pantxikak kantatzen duten gisan)

Urteagaren partitura

Zu bihotzean eta zu lagun,

Denek bat egin dezagun.

1

Mundurik ez zen, argirik ez zen,

Eta zuk maite gintuzun ,

Lurreko minen artetik Jauna,

Denek bat egin dezagun .

Zu bihotzean eta zu lagun,

Denek bat egin dezagun.

2

Bakotxa bakotx izanik ere ,

Denek bat egin dezagun ;

Ez berdingoa gaindituz goazen

Elgarren ganat Zu lagun.

Zu bihotzean eta zu lagun,

Denek bat egin dezagun.

3

Jesusi beha erran du Jaunak :

« Hau dut nik Seme maitea ».

Maitasun beraz, behako beraz,

Deneri Jauna gaur beha .

Zu bihotzean eta zu lagun,

Denek bat egin dezagun.

4

Fededun jendek dezaten goza

Guzien gatik bakea,

Ezagutaraz elgarri beha,

Jesusen begitartea.

Zu bihotzean eta zu lagun,

Denek bat egin dezagun.

5

Emana denik ez baita nihor

Emana zaren bezala,

Bat zare Jauna, batean hiru :

Nork adi hori nork zila ?

Zu bihotzean eta zu lagun,

Denek bat egin dezagun.

6

Kristori esker elgarri gaiten

Emanak, eman ahala;

Lurrean diren herriak oro

Kristok bat egin ditzala .

Zu bihotzean eta zu lagun,

Denek bat egin dezagun.

Hitzak : Iratzeder

Airea : J.Urteaga

Norberak kantatzeko

Gazte kantu, Gazteak, Haur kantu, Haurrak, Helduak, Iduzkilore / Aupa Jainkoa, KANTAK

Jaungoiko, gure Aita.

Iduzkilore (Aupa Jainkoa 3)

Partitura

Norberak kantatzeko (Tonu bat beherago)

Jaungoiko, gure Aita, goresmen bekizu.

Jaungoiko, gure Aita, otoizten zaitugu.

1 –

Izena duzu saindua, ederra zuk erreinua!

Orotan, zure nahia egiten gaiten lehia!

Jaungoiko, gure Aita, goresmen bekizu.

Jaungoiko, gure Aita, otoizten zaitugu.

2 –

Emazu, otoi Jainkoa, orori ogi gozoa,

elgarri zatitzekoa. Haz dadin mundu osoa!

Jaungoiko, gure Aita, goresmen bekizu.

Jaungoiko, gure Aita, otoizten zaitugu.

3 –

Barkatzen ditutzu zorrak, nahiz gu bihotz idorrak,

Noiz gare, gu zure haurrak, barkatzen hasi beharrak!

Jaungoiko, gure Aita, goresmen bekizu.

Jaungoiko, gure Aita, otoizten zaitugu.

4 –

Hainbeste tentaldi bada, txarretik nola aldara?

Zuk, aita, zaguzu beha, gaizkitik otoi atera!

Jaungoiko, gure Aita, goresmen bekizu.

Jaungoiko, gure Aita, otoizten zaitugu.

 

R 27

Bertze kantu, H. otoitzak, Helduak, KANTAK

Jainkoa eta ni: Xalbador eta Xabier Lete.

Amodioa bakarrik

Ikus : Otoitzak/Semearen bitartez otoitz

Jainkoa eta ni.

Xalbador

Partitura

Xabier Lete

 

Norberak kantatzeko (2 tonu beherago)

 

Fede haundiko burrasotarik sortu bainintzan mundura,
Jainko legean hezi ninduten jitean adimendura ;
hain zen beroa denbor’hartako eliz gizonen kar hura,
ziotelarik gaizki eginak zaramala ifernura,
muinetaraino sartu zitzautan Jaungoikoaren beldurra…

Entzuleeri behar diotet hau erran haste hastetik:
errexenerat nintzan lerrakor gauza guzien gainetik;
ahulezia ene nagusi izan da egundainotik;
ukan aholku guzien eta Jainko beldurraren gatik,
ez nau ez deusek nehoiz beiratu bekatoros izaitetik.

Legeak zuen erakaspena hausten nuen guzietan,
okaztagarri aurkitzen nintzan Jainkoaren begietan,
nitaz betikotz etsi zuela iduritzen baitzitzautan ;
desgustaturik damuz betea egon izan naiz bortzetan,
ez sorturikan Jainkoaz deusik ez dakiten tokietan.

Orduko apez suhar zintzoek halako arak zituzten,
etzen maitasun gozo haundirik heien ahotik ixurtzen ;
heiek Jaunari eman itxurak ari ninduen itsutzen,
zeruko edertasunak berak hotz hotza ninduen uzten,
gaztiguaren labe gorria baizik ez nuen ikusten.

Orai ez dakit, Jauna, Zu edo ni aldatu ote naizen,
etzira egun ene gogoan lengo itxuraz agertzen ;
gertatzen denaz, o Nagusia, kartsuki zaitut eskertzen,
gure arteko hoztasun hartaz hasia nintzan aspertzen,
Jainko maitea, ordu zen noizbait lagunak egin gintezen.

Zure laguna eginez geroz enetzat ez da nekerik,
zure behako samurrak eman nau fidantziaz beterik ;
deusen galderik ez dautzut bada egiten ene baitarik,
ez gaztigua urrun dezazun, ez eta sari eskerik ;
gaurkotz ez dauzut deusik eskatzen, amodioaz besterik.

Nehoiz bakerik goza gabeko ene gogo bihurria,
bihotzak edan duen ur onak hil du zure egarria,
ur on guzien Jabeak berak emanikan negurria ;
horra egi bat amodioak gure bixtan ezarria :
Haren oinetan sortzen zaukula bakearen iturria.

Xalbador (Odolaren mintzoa)

Bertze kantu, Fededunen otoitz, H. otoitzak, Helduak, KANTAK

Xalbador: Otoitzez

Ikus: Otoitzak / Behar ordu berezietan.

Partitura

Norberak kantatzeko

 

Jaun Zerukoa, otoitzez gaude konfidentzia betean :
amodioa pitzaraz zazu gure sort-herri maitean,
zure lekuko agertuz beti, bizi gaitezen bakean,
batek bertzea errespetatuz, batasun sendo batean.

Eta ogia sortaraz zazu gosea dagon lekuan,
gure gidari daudenak aldiz lagundu beren karguan,
izan dezaten bihotz bat eta argi bizi bat buruan,
egia eta zuzentasuna heda ditezen munduan.

Egizu, otoi, libertatea nehork ez dezan kondena,
eta ez ahantz hobenik gabe estekan eman dutena,
zuhauren edo herria gatik pairatzen ari duena,
mundu guzian errespetatu dezan gizonak gizona.

Bada hoinbertze sofrikario eta hoinbertze behartsu,
zure eskua izan dadila denen alderat indartsu ;
mundu huntako behar-orduen berri ongi baitakizu,
komeni bada, solegi diten, Jainkoa, zerbait egizu !
(Xalbador: Odolaren mintzoa)

Haur kantu, Haurrak, Iduzkilore / Aupa Jainkoa, KANTAK

Bihotzean zaitut, Jauna (Hobetzekoa)

Mikel eta Xalbat

Partitura

Norberak kantatzeko (Tonu bat beherago)

Bihotzean zaitut, Jauna :

Alleluia ! Alleluia !

Gehiagoko zoriona

Nork nun izan ? Alleluia ! (bis)

Jauna dut argi, Jauna geriza : ni nork izi ?

Jauna dut lagun : Nork behar nau ni dardarazi ?

Bihotzean zaitut, Jauna :

Alleluia ! Alleluia !

Gehiagoko zoriona

Nork nun izan ? Alleluia ! (bis)

Egun beltzetan gordeko bainau aterbean.

Gordeko eta xut ezarriko arkaitzean.

Bihotzean zaitut, Jauna :

Alleluia ! Alleluia !

Gehiagoko zoriona

Nork nun izan ? Alleluia ! (bis)

Hargatik orai inguru dauden etsaieri

Burua gora nagokiote dena irri.

Bihotzean zaitut, Jauna :

Alleluia ! Alleluia !

Gehiagoko zoriona

Nork nun izan ? Alleluia ! (bis)

Irrintzinaka eskaintza diot Jainkoari

Eskainiko nik, bai soinuz eta kantuz ari.

Bihotzean zaitut, Jauna :

Alleluia ! Alleluia !

Gehiagoko zoriona

Nork nun izan ? Alleluia ! (bis)

Iratzeder / Xalbat Berterretche

Haur kantu, Haurrak, KANTAK, Katixima euskaraz

Zuk egina da mundua

Graxi eta Pantxika Solorzano

Partitura

Zuk egina da mundua, zuk lurra eta zerua

Zuk egina da mundua, eta amaren musua.

Zoin ona zaren, Jauna! Zuretzat eguna

Zoin ona zaren Jauna! Zuretzat den dena.

Zuk piztua da bizia, zuk iduzkian argia

Zuk piztua da bizia, eta begian irria.

Zoin ona zaren, Jauna! Zuretzat eguna

Zoin ona zaren Jauna! Zuretzat den dena.

Zuk sortua dut bihotza, bai arima, bai gorputza.

Zuk sortua dut bihotza, zuk nahiz hartan egoitza.

Zoin ona zaren, Jauna! Zuretzat eguna

Zoin ona zaren Jauna! Zuretzat den dena.

Zuk egina da eguna, bai goiza, bai gau iluna

Zuk egina da mundua, zure dadila den dena.

Zoin ona zaren, Jauna! Zuretzat eguna

Zoin ona zaren Jauna! Zuretzat den dena.

H: Iratzeder, M: Lertxundi

 

Norberak kantatzeko (Tonu bat beherago)