1 - Ikusiren zaitut, Andre dena Maria,
Jesusen aldean, zeruan jarria.
Zeru gorenean, ikusiren zaitut. (2)

2 - Ikusiren zaitut, amultsuki onesten,
Agur bat lurretik zaitzunean heltzen.
Zeru gorenean, ikusiren zaitut. (2)

3 - Ikusiren zaitut fededunen artean
Bihotzak beiratzen garbitasunean.
Zeru gorenean, ikusiren zaitut. (2)

4 - Ikusiren zaitut, zeruan, Ama ona,
Ikusiren zaitut, oi zer zoriona !
Zeru gorenean, ikusiren zaitut. (2)

1 – Zer zorion ! Oi hau da fagorea !
Horra, horra zeruko Jainkoa.
Jautsia da gure aldaretarat
Gure gatik sakrifikatzerat.
Zato, zato, ene Jesus maitea
Zu zare, zu, ene ontasuna.
Oi zer dohain ezin prezatuzkoa :
Huna Jesus, ene zoriona,
Huna Jesus, huna Jesus.

2 – Sinesten dut, ene Salbatzailea,
Zu zarela ostian emana.
Zeruetan Jainko zaren bezala
Majestatez guzia betea.
Zato, zato, ene Jesus maitea
Zu zare, zu, ene ontasuna.
Oi zer dohain ezin prezatuzkoa :
Huna Jesus, ene zoriona,
Huna Jesus, huna Jesus.

3 – Jesus ona, saindutasuna bera,
Nola izan ni zure egoitza ?
Nola beraz, bekatore trixtea,
Errezebi ene Jaun handia ?
Zato, zato, ene Jesus maitea
Zu zare, zu, ene ontasuna.
Oi zer dohain ezin prezatuzkoa :
Huna Jesus, ene zoriona,
Huna Jesus, huna Jesus.

4 – Zuri beha emaiten naiz ahuspez,
Urrikitan ene bekatuez ;
Aitortzen dut errebel bat naizela,
Orroit zaite Aita zaitudala.
Zato, zato, ene Jesus maitea
Zu zare, zu, ene ontasuna.
Oi zer dohain ezin prezatuzkoa :
Huna Jesus, ene zoriona,
Huna Jesus, huna Jesus.

5 – Hasi nahi naiz zuretzat bizitzen,
Betikotzat nitzautzu emaiten.
Erre zazu beraz ene arima
Amodioz zuretzat, Jaun ona
Zato, zato, ene Jesus maitea
Zu zare, zu, ene ontasuna.
Oi zer dohain ezin prezatuzkoa :
Huna Jesus, ene zoriona,
Huna Jesus, huna Jesus.

Zure etxera goaz, Jauna,
Hauxe da gure zoriona.

1. Piztu naiz piztu baitut entzun
“ Goazen Jaunaren etxeraino ! ”
2. Hara nun orai bagaitutzun,
Jerusaleme, atetan so.
Zure etxera goaz, Jauna,
Hauxe da gure zoriona.

3. Jerusaleme hiri gaitza,
Denen biltzaile den bihotza.
4. Jaunaren haurrak, haurrak oro
Horrat doatzi lerro-lerro.
Zure etxera goaz, Jauna,
Hauxe da gure zoriona.

7. Jerusalemek otoi ! bake.
Zuri daudenak bozik beude.
8. Bake dadila zure baitan,
Egun gozoak jauretxetan.
Zure etxera goaz, Jauna,
Hauxe da gure zoriona.

5. Jaun izenari, zor bezala,
Kantatu behar diotela.
6. Hor du zuzenak zuzen-alki,
Dabid semeak hor egoki.
Zure etxera goaz, Jauna,
Hauxe da gure zoriona.

9. Anaien eta denen alde
Otoizka diot : Zuri bake !
10. Jainko Jaunaren etxeari
Zerutik otoi ! on-iturri.
Zure etxera goaz, Jauna,
Hauxe da gure zoriona.

1.
Kristoganik zerk urrun nork berex gu ?
Jainko dugu: gu baitan da bizi.
Dugularik lan, gudu, gaitz eta min,
Kristorekin lur huntan zerk izi ?
Ikusten dut zerua zabaldua:
Han behar dut egun batez sartu.
Bai, Kristok du mundua garraitua:
Zeruraino eremanen gaitu.

2.
Mundukoen zaintzale gurekin da:
Hari galda goi argi, goi indar.
Haren argi dirdiran, bat gaiten joan:
Ilunbetan gaitzeri gaur oldar.
Ikusten dut zerua zabaldua:
Han behar dut egun batez sartu.
Bai, Kristok du mundua garraitua:
Zeruraino eremanen gaitu.

3.
Odoletan da Kristo gu maitez hil,
Gaiten ibil kar pizten gu ere.
Jautsia zen sor zadin lurrean su :
Ikusten dut zerua zabaldua:
Han behar dut egun batez sartu.
Bai, Kristok du mundua garraitua:
Zeruraino eremanen gaitu.

Kristo aitaren seme, urrikal Jauna, urrikal Jauna.

Urrikal Jauna, urrikal Jauna.

Zuk pairatuak orroitu eta, otoi gutaz urrikal.

Otoi gutaz urrikal.

Guziek dezagun elgar maita, otoi gutaz urrikal Jauna.

Otoi gutaz urrikal Jauna.

Eitbek Senperetik 2021ean

Saindu, saindu, saindua, diren guzien Jainko Jauna
Hozanna, Hozanna, Hozanna, zeru gorenetan

Zeru lurrak beterik dauzka zure distirak
Hozanna, Hozanna, Hozanna, zeru gorenetan

Benedikatua Jaunaren izenean datorrena
Hozanna, Hozanna, Hozanna, zeru gorenetan

Senpere EITB 2021

1 –
Mirakuilu guziz miragarria :
Jesus ona zerutik jautsia,
Aldarean zeruetan bezala,
Jainko Gizon, guretzat zaudena.

Zutan, Jesus, dut ene esperantza.
Ah ! Zuk bozten dautazu bihotza,
Azkartua zure Gorputz sainduaz
Eta zure Odol sakratuaz.

2 –
Sinesten dut eta sineste hortan
Izanen naiz bizian, hiltzean.
Adoratzen zaitut, O Jainko Jauna,
Miresten dut zure ontasuna.
Zutan, Jesus, dut ene esperantza.
Ah ! Zuk bozten dautazu bihotza,
Azkartua zure Gorputz sainduaz
Eta zure Odol sakratuaz.

3 –
Hasi nahi naiz zuretzat bizitzen,
Betikotzat nitzaitzu emaiten.
Erre zazu beraz ene arima
Amodioz zuretzat, Jaun ona.
Zutan, Jesus, dut ene esperantza.
Ah ! Zuk bozten dautazu bihotza,
Azkartua zure Gorputz sainduaz
Eta zure Odol sakratuaz.

4 –
Oi zerua, zer ontasun handia.
Jaungoikoa ene janaria.
Ene Artzain eta ene hazkurri,
Jesus ona, zein den miragarri.
Zutan, Jesus, dut ene esperantza.
Ah ! Zuk bozten dautazu bihotza,
Azkartua zure Gorputz sainduaz
Eta zure Odol sakratuaz.

Senpereko elizatik Eitbek 2021

Jainkoaren populua gu
Elgarrekin joanen gira
Maiz guduan, beti fedean,
Hitzeman daukun Herrira.

3 –
Gaizkitik gure libratzeko
Salbatzailea jin zen mundura :
Harekin urus izaiteko
Goazen, lur hunen bidez, zerura.

Jainkoaren populua gu
Elgarrekin joanen gira
Maiz guduan, beti fedean,
Hitzeman daukun Herrira.

4 –
Jesus Jaunak erran bezala
Haren Erresuma baigirade :
Guri esker ukan dezala
Zeru-gostu bat lur hunek ere.

Jainkoaren populua gu
Elgarrekin joanen gira
Maiz guduan, beti fedean,
Hitzeman daukun Herrira.

1 –
Zinai bazter idorretan
Herra gaixtozko lurretik urrun,
Mundu berriko esperantzan
Zoan Izrael, Jauna, zu lagun.

Jainkoaren populua gu
Elgarrekin joanen gira
Maiz guduan, beti fedean,
Hitzeman daukun Herrira.

2 –
Orai diren jendaiek ere
Dute beren zorion ametsa :
Heien bihotzen betetzaile
Ager dadila beti Eliza.

Jainkoaren populua gu
Elgarrekin joanen gira
Maiz guduan, beti fedean,
Hitzeman daukun Herrira.