Orria 2024 MJ-k:
Ziburutarren moduan
Norberak kantatzeko tonu bat et’erdi beherago
Saindu
Kanta dezagun aingeruekin
Zeruko kanta ederrena:
Saindua, Saindu, Saindua zera,
Jaungoiko gure Jaun onena.
Zeru ta lurrek* goresten dute,
goresten zure ahalmena.
Hosanna zuri zeru goietan,
Hosanna (e)ta goralpena.
Bedeinkatua orain ta beti
guregana datorrena. (bis*
*Partituran da Zeru ta lurrak (lurrek xuxenago da)
Virtual Singer-ekin
Euskal Herriko saindu ixilak
Gorarik aipa ditzagun,
Aipa zeruan ditugun hilak…
Harat hel gaiten, hek lagun
Harat hel gaiten, hek lagun.
1 –
Osteka zeruratu
herritar sainduak
izan ditela egun
denez aipatuak…
zerurat hel-araziz
zorion-kantuak.
Euskal Herriko saindu ixilak
Gorarik aipa ditzagun,
Aipa zeruan ditugun hilak…
Harat hel gaiten, hek lagun
Harat hel gaiten, hek lagun.
2 –
Ama ezti maiteak,
orroit zuen haurrez :
zerurako bidean
laguntza beharrez…
zueri oihuz daude
zerurat nigarrez.
Euskal Herriko saindu ixilak
Gorarik aipa ditzagun,
Aipa zeruan ditugun hilak…
Harat hel gaiten, hek lagun
Harat hel gaiten, hek lagun.
3 –
Aita zintzoak entzun
semeen galdea :
azkar dagola beti
herrian fedea…
zuen gana dadien
Euskaldun jendea.
Euskal Herriko saindu ixilak
Gorarik aipa ditzagun,
Aipa zeruan ditugun hilak…
Harat hel gaiten, hek lagun
Harat hel gaiten, hek lagun.
4 –
Anai-arrebak eta
lehengo lagunak,
ez ahantz mundu huntan
guduka daudenak…
Batera gaitzan noizbat
hango zorionak.
Euskal Herriko saindu ixilak
Gorarik aipa ditzagun,
Aipa zeruan ditugun hilak…
Harat hel gaiten, hek lagun
Harat hel gaiten, hek lagun.
5 –
Begira gain hartarik,
erretor sainduak,
nehoiz ez ditzan otoi,
zuek Kristotuak …
irakaspen maltzurrez
irets ifernuak.
Euskal Herriko saindu ixilak
Gorarik aipa ditzagun,
Aipa zeruan ditugun hilak…
Harat hel gaiten, hek lagun
Harat hel gaiten, hek lagun.
6 –
Denez gabetu seror,
misionest, fraideak,
beude zuek bezala
geroko gazteak…
Kristoren amodioz
eta suz beteak.
Euskal Herriko saindu ixilak
Gorarik aipa ditzagun,
Aipa zeruan ditugun hilak…
Harat hel gaiten, hek lagun
Harat hel gaiten, hek lagun.
7 –
Nihor ohartu gabe
saindutu guziak,
noiz ditu argituko,
zaudezten argiak…
atsegin eta diruz
itsutu begiak.
Euskal Herriko saindu ixilak
Gorarik aipa ditzagun,
Aipa zeruan ditugun hilak…
Harat hel gaiten, hek lagun
Harat hel gaiten, hek lagun.
Norberak kantatzeko (Tonu bat beherago)
Hurbil da Jauna hari otoizka daudeneri.
Zuri eskerrak egun guzian zeru alde.
Goretsiko dut zure izena mendez mende.
Handia Jauna eta osoki goresgarri:
Gure Jaunaren handitasuna ezin neurri.
Hurbil da Jauna hari otoizka daudeneri.
Eztia eta guziz ona da gure Jauna:
Urrikaltsua eta bihotzik nasaiena.
Mundu guziko guzientzat da ona Jauna:
Egin dituen ororentzat du bihotz ona.
Hurbil da Jauna hari otoizka daudeneri.
Zuzen da Jauna bere bidetan, beti zuzen;
Egin lanetan zoin dena bihotz den agertzen.
Hurbil da Jauna hari otoizka daudeneri,
Hari otoizka, bihotza zintzo eta garbi.
Hurbil da Jauna hari otoizka daudeneri.
Orriako beila 2017 Lapurdi irratia:
Aingeru batek Mariari
dio: « Graziaz betea,
Jaungoikoaren semeari
emanen diozu sortzea. »
Goiz arrats eta eguerditan,
Ama laudatzen zaitugu,
Aingeruaren hitzak berak
Errepikatzen ditugu
« Jainkoaren nahi saindua
ni baitan dadin egina
Izan nadien amatua
bainan geldituz Birjina. »
Goiz arrats eta eguerditan,
Ama laudatzen zaitugu,
Aingeruaren hitzak berak
Errepikatzen ditugu
Orduan Berbo Dibinoa
gorputz batez da beztitzen
Oi, ontasun egiazkoa :
Jauna gurekin egoiten.
Goiz arrats eta eguerditan,
Ama laudatzen zaitugu,
Aingeruaren hitzak berak
Errepikatzen ditugu
Otoitz zazu zure Semea
gure Ama amultsua
Izan dezagun fagorea
ardiesteko zerua.
Goiz arrats eta eguerditan,
Ama laudatzen zaitugu,
Aingeruaren hitzak berak
Errepikatzen ditugu.
Melodia FaM:
Jainkoak badu bihotz on eta urrikalmendu.
Eskerrak eman, nere arima, Jainkoari ;
Nere barneko guziek haren izenari.
Eskerrak eman, nere arima, Jainkoari,
Ez nehoiz ahantz zoin usu zaitzun urrikari.
Jainkoak badu bihotz on eta urrikalmendu.
Harek barkatzen, noiz baitzare zu makur ari,
Indar emaiten, ahul bazare, ala eri.
Libratzen zaitu, kasik baitzare hil erori,
Emaiten dautzu amodioa minen sari.
Jainkoak badu bihotz on eta urrikalmendu.
Ez dago hura menderen mende bereari,
Ez auzi-gose, noiz eta nola gauzak xuri.
Gaizkien arau ez zaiku Jauna nehoiz ari,
Ez eta ere hobenen arau lotzen guri.
Jainkoak badu bihotz on eta urrikalmendu.
Zenbatez baita zerua nausi lur zolari,
Hala guretzat Jainko bihotza nausi ari.
Bi zeru aldek ezin neholaz jo elgarri:
Gure hobenak gutarik urrun hak ezarri.
Jainkoak badu bihotz on eta urrikalmendu.
Itzulpena : Xavier Diharce – Iratzeder O.S.B.
Editions EZKILA . Tous droits réservés.
Airea : Gabriel Lerchundi O.S.B.
Tout droit propriété de l’abbaye de Belloc
Norberak kantatzeko (Tonu bat et’erdi beherago)
Grabaketa: Janvier Owona Tang.
Norberak kantatzeko
Azken gau hartan, zinuen,
Jesus, hartu ogia :
Erditik hauste/ak zu/en
itxuratzen hiltzea.
“Nehork ez daut eni kentzen,
zinion zuk, biziaz,
Neronek, baitut emaiten,
salba ditzan guziak.”
Bai, hau dut nik aitorturen,
zer egin duzun, Jauna :
Zu ordain jarriz egin den
betiko batasuna.
Afari egin ondoan,
eman zinen opari
Kurutze Golgotakoan
Aita Jaungoikoari,
Erranez : “Batasun huntan
Odola da lokarri.
Munduko lau hegaletan
egin hau orroitgarri.”
Bai, hau dut nik aitorturen,
zer egin duzun, Jauna :
Zu ordain jarriz egin den
betiko batasuna.
Geroztik Jaunaren herri
gabiltz haren manuko,
Anaier guk ogi hori
dugu eskuratuko.
Hil bazen, hau dugu berri :
piztua dela Kristo,
Mezak du Jauna ageri :
Gauden Haren lekuko.
Bai, hau dut nik aitorturen,
zer egin duzun, Jauna :
Zu ordain jarriz egin den
betiko batasuna.
Ereile molde/an da jin
Kreatzaile Jainkoa.
Berak du hazi onekin
utzi ere gaixtoa.
Aihena txarra delarik,
gure mahastikoa,
Bilduko du Jaunak hortik
uzta sekulakoa.
Bai, hau dut nik aitorturen,
zer egin duzun, Jauna :
Zu ordain jarriz egin den
betiko batasuna.
Jauna noiz etorriko den
gaude beti aiduru,
Hartuko ote gaituen
Berekin zeruz zeru.
Bere ogi, bai arnoen
hazia hark bota du.
Mahaina dut jastaturen,
Harekin buruz buru.
Bai, hau dut nik aitorturen,
zer egin duzun, Jauna :
Zu ordain jarriz egin den
betiko batasuna.
Emile Larre
Gure Aita zeruetan zirena,
Saindu izan bedi zure izena,
Etor bedi zure erreinua,
Egin bedi zure nahia,
zeruan bezala lurrean ere.
Emaguzu gaur egun huntako ogia;
Barkatu gure zorrak,
Guk ere gure zorduner
Barkatzen diegunaz geroz;
Eta ez gu tentaldirat ereman,
Bainan atera gaitzazu gaitzetik
Grabaketa: Janvier Owona Tang.
Sinesten dut Jaungoiko bat bakarra,
Aita guziz ahaltsu, zeru-lurren Egile,
ageri diren eta ez diren guziena.
Sinesten dut Jaun bat bakarra, Jesu Kristo, Jainkoaren Seme bakar,
mende guziak baino lehen Aita ganik sortua.
Jainkoa ganik Jainko, argitik argi,
egiazko Jainkoa ganik, egiazko Jainko.
Sortua, ez egina, Aitaren izaite berekoa,
haren bidez dira eginak gauza guziak.
Gu gizonen gatik, eta gu salbatzeko, jautsi zen zerutik.
Eta Izpiritua Sainduaren egitez, Maria Birjina ganik,
gorputz harturik, gizon egin zen.
Pontzio Pilatoren menpean, gu gatik gurutzeratua izan zen,
oinazetan hila eta hobiratua.
Hirugarrren egunean piztu zen, Liburu Sainduek erran bezala,
zerurat igan eta Aitaren eskuin aldean jarririk dago.
Aintzaz etorriko da berriz, biziak eta hilak jujatzerat,
eta haren Erregetzak ez du azkenik izanen.
Sinesten dut Izpiritu Saindua, Jaun eta bizi-emaile,
Aita ganik, eta Semea ganik dena.
Aitarekin eta Semearekin batean,
agur eta goresmen berbera hartzen duena,
eta Profeten ahoz hitz egin zuena.
Sinesten dut Eliza : bat, saindu, katoliko eta Apostoluena.
Aitortzen dut bataio bakarra, bekatuak barkatzeko.
Igurikatzen dut hilen piztea, eta datorren munduko bizia.
Amen!
Grabaketa: Janvier Owona Tang.
Entzun, alaba, eta beha,
Entzun gogotik errailea :
Ahantz zurea zen jendea,
Ahantz aitaren etxaldea.
Eta orduan Erregek so
Zure ederra du nahiko;
Zure jauna da sekulako:
Ahuspez eror belauniko.
Jende guziak heldu dire,
Gauzak eskainiz eta urre.
Herriko jaunak heldu ere,
Zure begiak nahiz bere.
Guziz ederra erregina:
Zoin dena urre dabilana.
Sartzen da hura, sartzen oro
Bai kantu, jauzi, bozkario!
Aintza zeruetan Jaungoikoari
Eta bakea lurrean haren gogoko gizoneri.
Hain handi eta eder zaitugulakotz,
gora zu ! benedikatua zu !
Gorespen zuri, ahuspez agur, eskerrak zuri.
Jainko Jauna, zeruko errege,
Jaungoiko Aita, guziahalduna.
Jauna, Seme bakar, Jesu kristo ;
Jainko Jauna, Jainkoaren bildots, Aitaren Seme.
Zuk kentzen duzu munduko bekatua : urrikal Jauna.
Zuk kentzen duzu munduko bekatua : entzun gure deia.
Aitaren eskuin aldean jarririk zaude zu : urrikal Jauna.
Zuk bakarrik saindua ; zu bakarrik Jauna.
Zu bakarrik goi-goikoa, Jesu Kristo.
Izpiritu Sainduarekin, Jainko Aitaren argitan. Amen!
Grabaketa: Janvier Owona Tang.