Airea : Gabriel Lerchundi O.S.B. Tout droit propriété de l’abbaye de Belloc

Kantuz ari zait nere arima Jainkoari !

Kantuz ari zait nere arima Jainkoari,
Haren goresle kantuz ari.
Naizen neskato apal hau baitu hautatua,
Mendeek neri : Dohatsua.

Kantuz ari zait nere arima Jainkoari !
Zoin handi nitan Jainko Jaun guziz indartsua,
Haren izena zoin saindua.
Urrikalmenduz betea dago mendez mende,
Sineste duten jenden alde.

Kantuz ari zait nere arima Jainkoari !
Gose zaudenak nasaiki ditu gozarazi,
Aseak aldiz hutsik utzi
Behatu dio Izrael bere jendeari,
Lehen bezala urrikari.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Ager betiko bihotz ona, salbamendua igor, Jauna.
Huna zerutik Jaun zerukoa guri mintzo:
Bake dugula, bake dio.
Jainkozalentzat salbamendua zoin hurbil den !
Haren ospea gutaratzen.

Ager betiko bihotz ona, salbamendua igor, Jauna.
Amodioak eta egiak, nola lehen,
Dute munduan bat egiten.
Zuzentasuna eta bakea sekulako
Besarka dira juntatuko.

Ager betiko bihotz ona, salbamendua igor, Jauna.
Egia zaio gure lurrari aterako,
Zuzentasuna zerutik so.
Ongi nasaia Jainkoak berak emanen du :
Jaunari esker lurrak fruitu.
Hak aitzinean zuzentasuna izanen du :
Doan bidean salbamendu.

Ager betiko bihotz ona, salbamendua igor, Jauna.

Partitura

Tonu bat beherago

Partitura

Gu itzularaz berriz zu gana :
Begitarteaz gu salba, Jauna !
Izraeldarren artzain, entzun :
Zure ardiak lehen bezala otoi, lagun !
Zure indarra berpitz-azu :
Zato, Jainkoa, salba gaitzazun, etor ba zu !

Gu itzularaz berriz zu gana :
Begitarteaz gu salba, Jauna !
Gu ganat itzul, Jaungoikoa,
Zerutik beha, gure zain heda zuk besoa!
Zain mahasti hau, zaint zazu ba :
Zure eskuinak lantu mahatsa, otoi, salba.

Gu itzularaz berriz zu gana :
Begitarteaz gu salba, Jauna !
Zure gizona zuhauk lagun,
Hautatu duzun gizasemea hel dakigun.
Zure gaitutzu sekulako :
Pitz gaitzazu, pitz, guk zuri beti kantatzeko.

Gu itzularaz berriz zu gana :
Begitarteaz gu salba, Jauna !

Iratzeder

Abenduko 1. Igandea B 79. Salmoa
L.a. 38 / S.a. 1

Tout droit propriété de l’abbaye de Belloc

Jauna dut artzain, ez naiz egonen beharrean
Ur bazterreko pausa-lekurat banerama,
Pitz dakitan hor pitz arima.
Haren ondotik, bide zuzenez ni banoa:
Haren izena zoin gozoa.

Jauna dut artzain, ez naiz egonen beharrean
Zuhauk dautazu ezartzen neri mahain xuri,
Etsai guzien harrigarri.
Ixurtzen duzu nere bururat usain ezti
Basoan badut gaindiz gaindi.

Jauna dut artzain, ez naiz egonen beharrean
Nik zoriona eta grazia ditut lagun,
Nere bizian gau ta egun.
Banago-eta, Jaun zerukoa den etxean,
Epe luzerik luzenean.

Jauna dut artzain, ez naiz egonen beharrean

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat beherago:

Doinua: Gabriel Lertxundi.

Partitura

Bai dohatsuak Jaunaren beldur dabiltzanak!
Dohatsu bai zu, Jaunaren beldur bazaudena,
Haren bidetan zabiltzana.
Zure eskuen lanetik duzu jan-edana,
Eskutan duzu zoriona.

Bai dohatsuak Jaunaren beldur dabiltzanak!
Zure andrea mahats ondo bat bezain jori
Etxe xokoa bozten ari.
Zure semeak oliba ondo gotor batzu,
Mahainean so dagozkitzu.

Bai dohatsuak Jaunaren beldur dabiltzanak!
Hara nolako zorionean dabilana
Jaunaren beldur den gizona.
Jainkoa lagun, bizi zareno izan urus,
Zure semeak azkar ikus.

Hitzak: Iratzeder

Partitura

Norberak kantatzeko (Tonu bat et ‘erdi beherago)

Egarriz noa, deika noa,
Noiz ikus ote, noiz Jainkoa.
Nere Jainkoa, goizetik noa zure bila:
Zutaz egarri banabila.
Lur agortua uriz egarri den bezala,
Ni zure minak nerabila.

Egarriz noa, deika noa,
Noiz ikus ote, noiz Jainkoa.
Zauden etxean zu, Jauna, ikus zaitzadala,
Indarrez, ospez hoin zabala.
Bizia baino zure grazia gozoago;
Zuri gogotik kantuz nago.

Egarriz noa, deika noa,
Noiz ikus ote, noiz Jainkoa.
Jaun izenari nere bizian laudorio:
Eskuak luze nagokio.
Nere arimak Jauna du Jauna gozoz gozo:
Nere ezpainek bozkario.

Egarriz noa, deika noa,
Noiz ikus ote, noiz Jainkoa.
Ohe gainean, Jainkoa, zutaz orroitzean
Gauez gau nago zu gogoan;
Izan zare zu nere laguntza gal-bidean:
Gostuz nagozu hegalpean.

Egarriz noa, deika noa,
Noiz ikus ote, noiz Jainkoa.

Urteko 32. Igandea A 62. Salmoa
L.a. 118 / S.a. 17