Gure Aita, zeruetan zirena,
Saindu izan bedi zure izena,
Etor bedi zure erreinua.
Egin bedi zure nahia,
Zeruan bezala, lurrean ere.
Emaguzu gaur
Egun huntako ogia.
Barkatu gure zorrak,
Guk ere gure zorduner
Barkatzen diegunaz geroz.
Eta ez gu tentaldirat ereman,
Bainan atera gaitzazu gaitzetik.
Zu zira Jauna gure piztea!
Alleluia ! Alleluia!
Aintza zuri hobitik piztu zirena. Amen !
Aintza zuri berriz etorriko zira. Amen !
Zu zira Jauna gure piztea!
Alleluia ! Alleluia!
Jesus Jauna gure bidea
Urrikal gutaz urrikal! (bis)
Jesus jauna gure Egia
Urrikal gutaz urrikal! (bis)
Jauna Zu gure Bizia,
Urrikal gutaz urrikal! (bis)
Zuzentasuna eta bakea sekulako
besarka dire juntatuko.
Emazteek:
Huna zerutik Jaun zerukoa guri mintzo :
Bake dugula, bake dio.
Gizonek:
Jainkoarenak, bihotz garbiek bozkario,
Zinez itzultzen bazaizkio.
Zuzentasuna eta bakea sekulako
besarka dire juntatuko.
Jainkozalentzat salbamendua zoin hurbil den,
Haren ospea gutaratzen.
Amodioak eta Egiak, nola lehen,
Dute mundua bat eginen.
Zuzentasuna eta bakea sekulako
besarka dire juntatuko.
Zuzentasuna eta bakea sekulako
besarka dire juntatuko.
Egia zaio gure lurrari aterako,
Zuzentasuna zerutik so.
Zuzentasuna eta bakea sekulako
besarka dire juntatuko.
1 –
Adixkide hau iragan zaiku
Bizi berrirat hemendik :
Azkengo hatsa eman du eta
Ereman duzu gu ganik.
Sinesten dugu,
Segur gira gu
Zurekin dela bizirik. (2)
2 –
Zuk errana da Bizia eta
Denen Piztea zirela.
Fededun oro, hil eta ere,
Bizi-arazten duzula.
Zurea zena
Lagun hau, Jauna,
Betikotz hil ez dadila. (2)
3 –
Hil eta piztu zirela, Jauna,
Bakean gaude sinetsiz.
Gaur mixterio bizigarri hau
Goraipatzen dugu berriz.
Lagun hau beti
Argitu bedi
Zure bazkoaren argiz. (2)
Gu itzularaz berriz zu gana :
Begitarteaz gu salba, Jauna !
Izraeldarren artzain, entzun :
Zure ardiak lehen bezala otoi, lagun !
Zure indarra berpitz-azu :
Zato, Jainkoa, salba gaitzazun, etor ba zu !
Gu itzularaz berriz zu gana :
Begitarteaz gu salba, Jauna !
Gu ganat itzul Jaungoikoa,
Zerutik beha, gure zain heda zuk besoa!
Zain mahasti hau, zaint zazu ba :
Zure eskuinak lantu mahatsa, otoi, salba.
Gu itzularaz berriz zu gana :
Begitarteaz gu salba, Jauna !
Zure gizona zuhauk lagun,
Hautatu duzun gizasemea hel dakigun.
Zure gaitutzu sekulako :
Pitz gaitzazu, pitz, guk zuri beti kantatzeko.
Gu itzularaz berriz zu gana :
Begitarteaz gu salba, Jauna !
Ogi zerutik etorriak,
Egin gaitzala bat guziak.
1 –
Jainko semea gutan baita,
Jainkoa dugu denek Aita.
Gerla bideak utzi eta,
Dugun bihotzez elgar maita.(2)
Ogi zerutik etorriak,
Egin gaitzala bat guziak.
2 –
Jesusen bihotz hain zabala,
Gure barnean sar dadila.
Huna Jesusek derraukula:
«Oi elgar maita Nik bezala».(2)
Ogi zerutik etorriak,
Egin gaitzala bat guziak.
3 –
Mahain sainduko janariak,
Noiz nahi gare gu haziak.
Jainkoa bera den Ogiak,
Egiten gaitu bat guziak.(2)
Ogi zerutik etorriak,
Egin gaitzala bat guziak.
4 –
Bihotz guziaz dugun barka
Eta etsaiak bai… besarka.
Amodioan gaiten finka
Eta zerurat hel osteka.(2)
Ogi zerutik etorriak,
Egin gaitzala bat guziak.
Egin gaitzazu Jauna bakearen zerbitzari
Bakea ordain dezagun gure ahaleginen izari
Eta zure dohainari dohakion sari.
Zoriontsuak Zoriontsuak
indarkeria ezeztatzen dakitenak, Zoriontsuak
Bereen kantua maitasuna dutenak. Zoriontsuak
Zoriontsuak Zoriontsuak
diruaren mutil jartzen ez direnak, Zoriontsuak
Pobren zerbitzuan gozatzen direnak. Zoriontsuak
Zoriontsuak Zoriontsuak
bereen helburua gogorkeria ez dutenak, Zoriontsuak
Bainan gozotasunez jokatzen direnak. Zoriontsuak
Egin gaitzazu Jauna bakearen zerbitzari
Bakea ordain dezagun gure ahaleginen izari
Eta zure dohainari dohakion sari
Zoriontsuak Zoriontsuak
indarra lege ezartzen ez dutenak, Zoriontsuak
Bakearen sustengua eskaintzen dutenak. Zoriontsuak
Zoriontsuak Zoriontsuak
mendeku-zirikatzaile ez direnak, Zoriontsuak
Gizartea barkamenduz eztitzen dutenak. Zoriontsuak
Zoriontsuak Zoriontsuak
zoriontsuak bakegileak, Zoriontsuak
Bakean biziz dena bakeaz pozten dutenak. Zoriontsuak
Egin gaitzazu Jauna bakearen zerbitzari
Bakea ordain dezagun gure ahaleginen izari
Eta zure dohainari dohakion sari
Zabala / Etxehandi
Zatozkiote Jaunaren Saindu dohatsuak ;
Zatozte laster hunen biderat, Aingeruak.
Hunen arima, har, ereman :
Eskain zazue Jaun Goikoaren aintzinean.
Besoak zabal har zaitzala
Deitu zaituen Kristo Jaunak ;
Abrahamtarren loriarat,
Johan zaitzatela Aingeruek.
Hunen arima, har, ereman :
Eskain zazue Jaun Goikoaren aintzinean.
Betiereko zoriona,
Hil huni, otoi ! eman Jauna ;
Betiko argi zabalean,
Zure argiak argi dezan.
Hunen arima, har, ereman :
Eskain zazue Jaun Goikoaren aintzinean.
Ama maite Maria, egiguzu lagun
Zure bitartez Jesus ikusi dezagun. (bis)
1 –
Aingeruzko lilia estimagarria
Usain gozozko lore zerutik jautsia
Gorde gaitzazu, Ama guziz maitatua
Ez dezagun zikindu bertute garbia
Ama maite Maria, egiguzu lagun
Zure bitartez Jesus ikusi dezagun. (bis)
2 –
Zure garbitasuna gizonek balute,
Birtutetan maitena gora lezakete.
Otoi, Ama maitea, lagunt zakizkigu,
Zure ganik laguntza, ai, etor bekigu !
Ama maite Maria, egiguzu lagun
Zure bitartez Jesus ikusi dezagun. (bis)
3 –
Egizu Ama ona, azken orenean
Oren lotsagarria hurbiltzen denean
Izan dezagun orok Jesus bihotzean
Zurekin har gaitzazu zeruko lorian.
Ama maite Maria, egiguzu lagun
Zure bitartez Jesus ikusi dezagun. (bis)
4 –
Hel egiten dautzugu mundu ilun huntan,
Otoi, lagunt gaitzazu behar orduetan !
Gure azken orena hurbiltzen denean,
Har gaitzazu, Maria, besoen artean.
Ama maite Maria, egiguzu lagun
Zure bitartez Jesus ikusi dezagun. (bis)