Hona ni Jauna, har ene askatasüna,
ene oritmen, ene adimen osoa.
Har nik düdan güzia
eta enia den dena,
zük eman deiztatzüt,
zuri Jauna düt bihürtzen.
Dena zurea da, egizü denetan
nahi düzüna.
Emazü zure maitasün eta grazia, eta grazia
horiekin badiket (?) nahikoa, nahikoa (bis)
Amen, Amen
Pier Paul Berzaitz
Eskerrik asko, Jauna bihotz bihotzetik,
eskerrik asko, Jauna, orain eta beti.
1 –
Eskerrik asko, Jauna, gutan zaudelako
eta zure biziaz bizi garelako.
2 –
Zure hitzen gozotan, zu gure gidari,
ogi eta arnotan zu gure janari.
3 –
Erakutsi daukuzu zure maitasuna,
ta maitasun bidea den zuzentasuna.
4 –
Zu zaitugu artzaina, gu zure artalde,
gure bihotzak beti behartsuen alde.
5 –
Zure gisara, Jauna, gaitezen ibili,
Zure gisara, Jauna, on eginez beti.
Melodia bakarrik
1 –
Euskal semea Kristok hiltzeraino zaitu
Bertze jendeak oro bezenbat maitatu,
Noiz behar ote dute guziek onartu
Euskaldun izaitea ez dela bekatu.
2 –
Zuhaur ezin izanez ez otoi etsitu
Ez eta egin herraz tu egileri tu
Gorrotoak bihotza barnez hiltzen baitu
Laidoen gatik ere indartsu agertu.
3 –
Jende guzien Aita bai eta gurea,
Euskal semean ikus Kristoren eitea,
Gaur ez dezon herrak hil barnetik barnea
Emozu goiko indar, goiko sinestea.
4 –
Jaunaren eguneko goizeko izarra
Noiz gutan ote zauku argitu beharra ?
Harekin baitukegu Kristoren indarra,
Fedeaz igortzeko bihotzetik herra.
5 –
Gizonetan izarrak, zer fede dirdira !
Ai, horrek sustatuak guziak balira !
Euskal semeak oro, zerurat begira,
Minez min hel ditela betiko Herrira.
Xalbat Berterretche, Jean Larrieu, Mikel Erramouspe
Pantxika Solorzano
Xoria kantari,
denak gaiten ibili
behatuz jaunari !
Bozkarioz jarraiki !
Xoria iduri, jo/an gaiten bidean,
penak iraganez bidez bide airean.
Herra, gudu bazter! eskuz esku batean,
kantua gogoan, pizturik bihotzean.
Xoria kantari,
denak gaiten ibili
behatuz jaunari !
Bozkarioz jarraiki !
Beldurrikan gabe, jarraik gaiten Jaunari!
Sekulan aspertu, iraun ‘zagun artoski;
mundu huntan gaiten maitasunean bizi,
seme ta alaba izaitea merezi.
Xoria kantari,
denak gaiten ibili
behatuz jaunari !
Bozkarioz jarraik i!
Jesusekin eta lagunekin haurride
izan gaiten beti, bilatuz zuzenbide.
Behartsu, ezindu, Jaunaren adiskide,
elgarrekin gaiten iragan zeru alde!
Xoria kantari,
denak gaiten ibili
behatuz jaunari !
Bozkarioz jarraiki !
behatuz jaunari !
Bozkarioz jarraiki !
Hitzak : Manex Hunçarren
Doinua : Pantxika Solorzano.
K7 Euskaraz katixima
Melodia xoilik:
Elgarren ogi zu zaitugu zu:
bihotzez dugun bat egin.
Munduak orai dei egiten du:
maitasun gosez hain du min.
Entzun bai, Jauna, gure baitan sar,
dezagun maita zurekin:
Munduak orai dei egiten du
maitasun gosez hain du min. (bis)
Fedean azkar xut gabiltzan gaur,
gu baitan eman zuk indar.
Lurreko gaitzek ez gaitzaten gal,
beharko dugu ainitz kar.
Zu lagun, Jauna, gu norat ez joan,
maitatuz bai zu, bai elgar.
Lurreko gaitzek ez gaitzaten gal,
beharko dugu ainitz kar.
Kristoren baitan gu begira bat:
zerutik beha zuk, Aita.
Hegalen perat bil gaitzazu bil,
gaizkien traba kenduta.
Guziek anai, pitz dezagun su,
bai eta herra ezezta.
Hegalen perat bil gaitzazu bil,
gaizkien traba kenduta.
Hitzak: Iratzeder
Doinua: Urteaga
Hitzak: Mixel Lekuona
Doinua: Xalbat Berterretche.
-1-
Zenbat jende munduan herrak berexiak
amodio deiari bihotzak hetsiak .
Zenbat jende, ontasun, gerlak errautsiak
indarra ta dirua denetan nausiak .
Eta guk, zer egin, zer egin elgarrekin
eta guk, zer egin, zer egin Jesusekin .
–2–
Miliunka badago munduan pobrea
bizitzeko ur, ogi, jauntzirik gabea .
Miseria sortzetik da heien zortea,
aberatsen munduan, zer dute partea . –
-3-
Jainkoaren nahia gizonarendako
parabisu batean uros bizitzeko
gaixtakeriz gizonak berak egin uko
berritzeko bihotzak hil da Jesu Kristo
-4-
Deitzen gaitu Jainkoak gutarik bakotxa
berritzera mundua girixtino gisa ,
amodioz beterik, zabalik bihotza
zerbitzari bezala emanez bizitza .
-5-
Ikusirik badela hainbat behar mota
ezin gira gu egon begiak hetsi-ta
beharrean denari guk eskua bota
Jaunak bihotzean eman daut argia,
kantuz pitz dezadan denetan ongia.
Argitik argia sortzen den bezala,
guk egin ongia hedatuz doala,
argitik doala, argitik argia
Ni naiz, dio Jaunak, munduko argia!
Ibil ongi denak, pizteko bizia.
Argitik argia sortzen den bezala,
guk egin ongia hedatuz doala,
argitik doala, argitik argia
Argi seme izan! Denak bat abia!
Elgar maitatzean zerurat lehia!
Argitik argia sortzen den bezala,
guk egin ongia hedatuz doala,
argitik doala, argitik argia
Midi formatuan telekargatzeko: Argitik argia
1- Elizen Arteko Biblia:
–Lapurteraz: hemen
–Batuaz: hemen. « Joan » hortan klikatu eta atalak agertzen dira. Gaineko aldean, eskuin, hautatzen ahal da usaiako ordenua edo alfabetikoa.
2- Biblia haurrentzat, joko eta guzi: hemen
3- Duvoisinen biblia (Bonaparte printzearen soldatapean Duvoisin kapitainak itzulia)
Argiaren egilea,
eguzkia duzu piztu
argi berriz apaintzeko
munduaren hastapena.
Goiz arratsen artekoa
eguna deitu duzuna,
gaua jausten ari baita,
entzun dei eta nigarrak.
Hobenengatik arimak
ez dezala gal bizia,
gain hartakoak ahantziz
eta gaizkirat lerratuz.
Entzun, Aita guziz ona,
eta zuk, Jainko Semea,
Izpirituarekin bat,
Nausi menderen mendetan.
Lucis Creator
Goi-goikoaren gerizan dagonak,
Guziahaldunaren itzalean bizi denak,
Jaunari dio: «Ene aterbe eta gaztelu;
ene Jainko, zutan ene fidantzia!»
Harek aterako zaitu ihiztariaren saretik
eta izurri galgarritik.
Bere hegalez begiratuko zaitu,
haren hegalperat ihes eginen duzu,
haren leialtasuna geriza ukanen duzu.
Ez zaitu ikaratuko gaueko izialdurak,
ez eta eguneko geziaren ziztuak,
ez ilunpez dabilan izurriak,
ez eta eguerdiko kutsu hilgarriak.
Eror bite mila zure ondorat,
hamar mila zure eskuinerat,
zu deusek ez hunkiko.
Idek doi-doia begia
eta ikusiko duzu gaixtoen saria,
Jauna baita zure aterbea,
Goi-goikoa zure leihorra.
Gaitzik ez zaizu gertatuko,
ez makurrik zure egoitzarat hurbilduko,
zutaz baitiote aingerueri manaturen
zure bide guzietan zaindu zaitzaten.
Eremanen zaituzte beren eskuetan,
zure oinak harri zenbait jo ez dezan.
Lehoin eta sugearen gainean duzu oina finkatuko,
lehoin kumea eta herensugea dituzu zangopilatuko.
«Eni baitago, libratuko dut,
ene izena aitortzen baitu, begiratuko dut;
dei eginen daut, eta nik ihardetsiko,
berekin ukanen nau hersturaldiko.
Libratuko dut eta ohorez jantziko,
bizitza luzez dut aseko
eta neure salbamendua diot gozaraziko».
91. salmoa
Jauna, ikertzen nauzu eta ezagutzen:
badakizu noiz naizen jartzen eta noiz jeikitzen,
ene gogoetak urrundik dituzu zilatzen.
Ibil nadin ala etzan, ikusten nauzu,
ene urrats guziak ezagunak dituzu.
Hitza ez dut mihiaren gainean oraino
eta jadanik, Jauna, badakizu oro.
Gibel eta aitzin inguratzen nauzu,
eta eskua gainean ezartzen dautazu.
Jakitate miresgarria, enetzat gehiegia,
ni hartaraino heltzeko goregia.
Norat nindoake urrun zureganik?
Norat ihes egin urrun zure aitzinetik?
Zerurat igan banendi, han zaude, zu,
Hilen Egoitzan etzan banendi, han ere, zu!
Goiz-argiaren hegalak hartu-ta,
joan banendi itsas mugetaraino bizitzera:
han ere zure eskuak nau gidatzen,
zure eskuina zait lotzen.
Erraiten badut: «Ilunpeak estal nezala,
egun-argia, nere inguruan, gau bilaka dadila!»,
ilunpea bera ez da zuretzat ilunpe,
eta gauak argitzen du egunaren pare.
Ene gorputza moldatu duzu,
amaren sabelean eho nauzu.
Gora zu, egin nauzulakotz hain harrigarri,
zuk eginak hain dira miresgarri !
Bai, badakit horren berri.
Nere hezurrak ez ziren gordeak zure aitzinean,
sortzen ari nintzelarik ixilean,
moldatua nintzelarik lur barnean.
Nintzen umegaia, zure begiek ikusten ninduten,
eta zure liburuan ene egun guziak idatzirik zauden,
nahiz heietarik oraino bat ere ez zen.
Oi Jainko, iker nezazu eta ezagut ene bihotza,
froga nezazu eta ezagut ene kezka.
Ikus galbidetik ote nabilan,
gida nezazu betirako bidean.
139. salmotik
Jauna, ez dut harro bihotza,
ez eta ozar begia.
Ez nabil xede handien ondotik,
ez eta gauza miragarrien gibeletik.
Laño eta ixil daukat arima,
amaren altzoan haurtxoa bezala,
haurtxoa bezala daukat arima.
Israel, zure esperantza Jauna izan bedi
orai eta beti !
131. salmoa
Naizen guzia
zuri oihuz nago,
oi, Jainko bizia.
84. salmotik
Jendetze handiak ikustean, Jesus mendirat
igan zen eta heien irakasten hasi, erranez :
Dohatsu bihotzez behartsuak,
heiena baita Zeruetako Erresuma.
Dohatsu eztiak,
lur hitzemana (1) ukanen baitute.
Dohatsu nigarretan direnak,
kontsolamendu izanen baitute.
Dohatsu zuzentasun gose eta egarri direnak,
asea ukanen baitute.
Dohatsu urrikalkorrak,
urrikalmendu ardietsiko baitute.
Dohatsu bihotz garbiak,
Jainkoa ikusiko baitute.
Dohatsu baketiarrak,
Jainko seme deituak izanen baitira.
Dohatsu zuzentasunaren gatik gaizki erabiliak,
heiena baita Zeruetako Erresuma.
Dohatsu zuek, laidostatzen
eta gaizki erabiltzen zaituztetenean,
bai eta gezurka belzten, ene gatik.
Bozkaria eta loria zaitezte,
handia baituzue saria zeruetan.”
Ebanjelioa Jondoni Matiuren arabera 5, 3 -12
(1) Lur hitzemana = Zeruetako Erresuma.
Hemen ixtan bat ixilik nago, gogoan erabiliz
Jainkoari gaur zertan huts egin diotan ; eta barkamendu
eskatzen diot. Bainan ere eman dauzkitan
grazia guziez eskertzen dut Andredena Mariaren
kantu hau erranez :
Kantuz ari zait nere arima Jainkoari,
haren goresle kantuz ari.
Haren loriaz bozkariotan dut gogoa :
Salbatzaile dut nik Jainkoa.
Naizen neskato apal hau baitu hautatua,
mendeek neri “Dohatsua !”
Zoin handi nitan Jainko Jaun guziz indartsua !
Haren izena zoin saindua !
Urrikalmenduz betea dago mendez-mende,
sinesten duten jenden alde.
Bere besoan duen indarraz Harek ditu
bihotz hantuak barreiatu.
Beren alkitik handi-mandiak kendu ditu,
apalak aldiz goraltxatu.
Gose zaudenak nasaiki ditu gozarazi,
aseak aldiz hutsik utzi.
Behatu dio Israel bere jendeari,
lehen bezala urrikari.
Erran baitzuen gintuela gu lagunduko
Abrahamtarrak sekulako.
Ebanjelioa San Luken arabera 1, 46-55
Aita, gau huntan zuri otoitzez gaude :
gure bihotzetarat ixur-azu
itzal ez daitekeen zure maitasunaren garra,
eta sarraraz gaitzazu egun batez
zure betiereko argian ;
galdegiten dautzugu
Jesu Kristo gure Jaunaren bitartez.
edo
Aita, maite zaituguneri,
gure bekatu guzien gatik,
zure bakea emaguzu :
goxa ditzala gure bihotzak,
deusek, ez biziak ez herioak
ez baigaitu zure ganik berexten ahal ;
galdegiten dautzugu
Jesu Kristo gure Jaunaren bitartez.