Archives de catégorie : Helduak

Helduak, Kanta Jaunari, KANTAK

Denek bihotzez P12

1 –

Denek bihotzez eskerrak eman

Jaungoiko gure Aitari :

Sainduen lagun bere argian

gaituelako ezarri.

Hilen artetik lehen sortua,

Zuk, Jesu Kristo, argi mundua !

2 –

Ilunbetarik ereman gaitu

bere Kristoren argira :

Haren odolaz gaitu garbitu,

hoben guzitik atera.

Hilen artetik lehen sortua,

Zuk, Jesu Kristo, argi mundua !

3 –

Ageri ez den Jainko Aitaren iduri

eta berdina,

Hura bera da munduan diren

izaitetarik gorena.

Hilen artetik lehen sortua,

Zuk, Jesu Kristo, argi mundua !

4 –

Hartan guziak izan baitire

zeru-lurretan eginak,

Ikusten diren, bai eta ere

ezin ikusi direnak.

Hilen artetik lehen sortua,

Zuk, Jesu Kristo, argi mundua !

5 –

Bai Haren bidez, bai Hari buruz,

bizia denek daukate.

Aitak du sortu Seme hautatuz :

guziek hartan diraute.

Hilen artetik lehen sortua,

Zuk, Jesu Kristo, argi mundua !

6 –

Eliz-gorputzak Hura burua,

Elizak Hura du Jauna.

Hilen artetik lehen sortua,

guzietan da lehena.

Hilen artetik lehen sortua,

Zuk, Jesu Kristo, argi mundua !

                                      Iratzeder/Lertxundi

Editions Ezkila Tous droits réservés.

Helduak, Salmoak

29. B. Zure aldera

Jaunari kantu : zerutik gaitu eskuz hartu.

Zure alderat, nere Jainkoa, nere Jauna,

Egin dut oihu, eta zuk eman osasuna.

Atera duzu nere arima ifernutik,

Zaindua nauzu hil-ziloraino lerratzetik.

Jaunari kantu : zerutik gaitu eskuz hartu.

Jainko Jaunari haren gizonak has kantari :

Eman gogotik eskerrak haren izenari.

Haren hasarrek apur bat baizik ez diraute ;

Bizi guzian gu maitez harek begitarte.

Jaunari kantu : zerutik gaitu eskuz hartu.

Gauerakoan soari nigar jauzten zaio,

Eta goizean zerurainoko bozkario.

Nuen dolua egin dautazu dantza jauzi,

Kapa kendurik betiko bozez nauzu jauntzi.

Jaunari kantu : zerutik gaitu eskuz hartu.

Zor dautzu, Jauna, nere arimak soinu kantu ;

Nahi zaitut zu beti ta beti goraipatu.

Jaunari kantu : zerutik gaitu eskuz hartu.

Itzulpena : Xavier Diharce – Iratzeder O.S.B.

Airea : Gabriel Lerchundi O.S.B.

Editions EZKILA . Tous droits réservés.

 

 

 

 

Helduak, Salmoak

102. B. Eskerrak eman (bukatzekoa)

Munduan kantu Jesu Kristori, aldean baitu Aitak ezarri !
Eskerrak eman, nere arima, Jainkoari ;
Nere barneko guziek haren izenari !
Eskerrak eman, nere arima, Jainkoari,
Ez nehoiz ahantz zoin usu zaitzun urrikari !

Munduan kantu Jesu Kristori, aldean baitu Aitak ezarri !
Zenbatez baita zerua nausi lur zolari,
Hala guretzat Jainko bihotza nausi ari.
Bi zeru aldek ezin neholaz jo elgarri,
Gure hobenak gutarik urrun hak ezarri.

Munduan kantu Jesu Kristori, aldean baitu Aitak ezarri !
Zeruetan du bere alkia Jaunak jarri,
Handik errege manatzen dio munduari.
Eskerrak eman diren guziek Jainkoari,
Eskerrak, mundu zabalekoek, Jainkoari !

Munduan kantu Jesu Kristori, aldean baitu Aitak ezarri !

 

Bazkoko 7. Igandea B

102. Salmoa
L.a. 80 / S.a. 37

Helduak, Salmoak

46. B. Egin, herriek, esku zarta. Salbatore BUKATZEKOA

Zeru lurreko Jaun eta Jainko

Zaude zu, Kristo, betiereko.

Egin, herriek, esku zarta

Jaunari denek airos kanta.

Errege gaitza Jauna baita,

Hartaz bertzerik Jaunik ezta.

Zeru lurreko Jaun eta Jainko

Zaude zu, Kristo, betiereko.

 

Jainkoa doa zeruz zeru :

Jaunari denek adar-soinu.

Egin Jaunari soinu-kantu

Mundu zabala bere baitu.

Zeru lurreko Jaun eta Jainko

Zaude zu, Kristo, betiereko.

 

Errege baita munduz mundu,

Hari guziek soinu-kantu.

Herriak oro bere ditu,

Zeruetan du alki saindu.

Salbatore : Jaunaren igaitea 46. Salmoa
L.a. 75 / S.a. 33

Helduak, Salmoak

97. B. Kanta Jaunari Bukatzekoa

Salbatzaile da jeiki Jauna,
Herri guziek dakitena.
Kanta Jaunari kantu berri,
Harek eginak oro baitira miragarri.
Berez bere da nausi jarri,
Bere besoaz jaun agertu da munduari.

Salbatzaile da jeiki Jauna,
Herri guziek dakitena.
Salbatzaile da jeiki Jauna :
Ikusi dute zein ona dugun, zein zuzena.
Izraelentzat zer laguna :
Erakutsi du bere betiko bihotz ona.

Salbatzaile da jeiki Jauna,
Herri guziek dakitena.
Lur guziak du ikusia
Gure Jaunaren salbamenduko iguzkia.
Kanta Jaunari lur guzia :
Pitz eta kanta, lurrak Errege Jauna baitu.

Salbatzaile da jeiki Jauna,
Herri guziek dakitena.
Bazkoko 6. Igandea B 97. Salmoa
L.a. 120 / S.a. 17

Helduak, Salmoak

21 B Zu zaitut, Jauna. Bazko5

Rose Fleur, Rouge, Jardin, Nature, Été, Couleur, Plante

Editions EZKILA . Tous droits réservés.

Zutaz dezagun kantu eman,
Jauna, fededun-biltzarrean.
Zu zaitut, Jauna, zu bihotz-kantu biltzarrean,
Jainkoa maite duten gizonen aintzinean.
Janen dute bai behartsu jendek ausarkian.
Jainkozaleek orduan kantu denek betan.

Zutaz dezagun kantu eman, Jauna,
fededun-biltzarrean.
Mundu huntako guziak dira orroituko,
Eta guziak Jainkoa ganat itzuliko.
Jauna da-eta, Jauna, zuzenez denen Jainko.
Herri guziak behar baititu bere peko.

Zutaz dezagun kantu eman, Jauna,
fededun-biltzarrean.
Nere arima, nere bizia Hari dena,
Nere ondoko jendea ere Jaunarena.
Erranen baitu gerokoeri nor den Jauna,
Sortuko diren jenderi:  » Hau du hau egina ».

Zutaz dezagun kantu eman, Jauna,
fededun-biltzarrean.
Itzulpena : Xavier Diharce – Iratzeder O.S.B.
Editions EZKILA . Tous droits réservés.
Tonu bat et’erdi beherago:

Helduak, Salmoak

117. salmoa B. Jaunari kanta

Egilek utzi harri hori, egin du Jaunak ezkin-harri.

Jaunari kanta, ona baita,

Amodioa betiko baitu betikoa !

Jainkozaleek, gora kanta :

Amodioa betiko baitu betikoa !

Egilek utzi harri hori, egin du Jaunak ezkin-harri.

Zenbatez hobe Jauna baitan

Bere fidantza gizonen baitan eman baino.

Zenbatez hobe Jauna baitan

Bere fidantza jaun handietan eman baino.

Egilek utzi harri hori, egin du Jaunak ezkin-harri.

Egilek utzi harri hori

Bilakatu da denak datxizkan ezkin-harri.

Jainko Jaunak du hau egina

Gure begien, gure bihotzen miragarri.

Egilek utzi harri hori, egin du Jaunak ezkin-harri.

Zu zaitut Jainko, kantuz nago :

Zuri esker on, goresmen eta laudorio !

Jaunari kanta, ona baita :

Amodioa betikoa du, betikoa !

Egilek utzi harri hori, egin du Jaunak ezkin-harri.

Itzulpena : Xavier Diharce – Iratzeder O.S.B.

Bazkoko 4. igandea

Helduak, Salmoak

4. salmoa B. Deika nagozu

Ager zuk, Jauna, begitartea, zure argia, zure bakea.

Deika nagozu, Jauna, zu zaitut beti lagun :

Urrikal nitaz, nere oihua, otoi, entzun !

Ager zuk, Jauna, begitartea, zure argia, zure bakea.

Jendek diote:  » Nork emanen, nork zoriona ? »

Begitartean duzun argia ixur, Jauna !

Ager zuk, Jauna, begitartea, zure argia, zure bakea.

Etzan orduko bake osoan naiz lokartzen,

Zuhauk fidantzan bainauzu, Jauna, ni finkatzen

Ager zuk, Jauna, begitartea, zure argia, zure bakea.

Itzulpena : Xavier Diharce – Iratzeder O.S.B.

H. otoitzak

Kreaturen kantika (San Frantses Asiskoa)

« Laudato si », Laudatua zu, hola hasten da Frantses Aita Sainduak ekologiaren alde idatzi duen gutun handia.

San Frantses Asiskoaren italierazko « Kreaturen kantika » famatuan oinarritzen da. Hona olerki horren itzulpen bat. 

 

Jaungoiko ahaltsu ona

Zuri laudorio, aintza, ospe (e)ta esker on oro.

Zuri bakarrik doazkizu

eta zure izenaren errateko gai den jenderik ez da.

Laudatua zu, Jauna, zure kreatura guzietan,

bereziki eguzki anaia jauna baitan,

haren egunez argitzen gaituzu,

eta ederra da, ospe handiz distiranta,

o Goikoa, zure miraila.

 

Laudatua zu, Jauna, arreba ilargiaz eta izarrez,

ortzean egin dituzu argi, prezios eta eder.

Laudatua zu, Jauna, haize anaiaz

et(a) aireaz, hodeiaz eta zohardiaz et(a) aro guziez,

haiez bizirik gauzkatzu kreatura guziak.

Laudatua zu, Jauna, arreba ur

balios, apal, prezios eta garbiaz.

Laudatua zu, Jauna, su anaiaz,

Gauan eguzkia bezala da

Eder, alai, ezin hoztu, pizkorra.

Laudatua zu, Jauna, arreba gure ama lurraz,

harek gaitu hazten eta indartzen

edozein fruitu emanez, lore margotsu eta belarrekin.

 

Laudatua zu, Jauna, zure maitez barkatzen dutenengan,

gaitz eta nahigabeak pairatuz.

zoriontsu bakean jasanen dituztenak,

korona zureganik ukanen dute, o Goikoa.

Laudorio zuri, Jauna, arreba herio gorputzekoaz,

hartarik ihesik ez du bizi denak.

 

 

 

 

 

Zorigaitz bekatu hilgarrian hilen denari,

zoriontsu zure nahi sainduan aurkituko dituenak,

ez baitira berriz hilen.

Jauna lauda eta benedika eta esker ezazue,

eta zerbitza zinez apalik.

J-L. Davant

Helduak, Salmoak

117. B. Bazko

Hau da eguna Jaunarena :

Gaur piztu baita Jesus Jauna.

Jaunari kanta, ona baita :

 » Amodioa betiko baitu betikoa ».

Izraeldarrek, gora kanta :

 » Amodioa betikoa du betikoa « .

Hau da eguna Jaunarena :

Gaur piztu baita Jesus Jauna.

 

Jainko-eskua, esku gaitza :

Jainko-eskuak, esku azkarrak, zer laguntza !

Joan zait hiltzeko oren beltza :

Biziko naiz bai, Jaunak eginez nadin mintza.

Hau da eguna Jaunarena :

Gaur piztu baita Jesus Jauna.

 

Egilek utzi harri hori

Bilakatu da denak datxizkan ezkin-harri.

Jainko Jaunak du hau egina,

Gure begien gure bihotzen miragarri.

Hau da eguna Jaunarena :

Gaur piztu baita Jesus Jauna.