Gaur aingeruen aintzinean,
Dugun Jaunari esker eman!
Eskerrak zuri, eskerrak, Jauna, bihotz osoz
Otoizka entzun nauzulakotz.
Aingeruak so, zaitut zu kantuz aipatuko,
Tenplo alderat belauniko.

Gaur aingeruen aintzinean,
Dugun Jaunari esker eman!
Eskerrak zuri, on baitzare, on eta zuzen:
Zuk hitza funski atxikitzen.
Nik zuri oihu egin orduko, zuk ni entzun:
Zer indar gaitzaz bete nauzun.

Gaur aingeruen aintzinean,
Dugun Jaunari esker eman!
Eskerrak zuri, lurreko jaunek orok betan,
Zuk hitzemanak aditzean.
Jaunak eginez guziak kantuz badabiltza:
Bai Jainko Jaunak ospe gaitza.

Gaur aingeruen aintzinean,
Dugun Jaunari esker eman!
Zure eskua luzatuz nauzu beti zaintzen,
Zu, behar deno, zain egonen.
Zuk duzu, Jauna, betiereko bihotz ona,
Sekulan ez utz hasi lana.

Gaur aingeruen aintzinean,
Dugun Jaunari esker eman!

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et’erdi beherago:

Nere ahoak erranen du
Zutan dugula salbamendu.
Zu zaitut, Jauna, goza nahi,
Zu gaztedanik bihotz argi.
Sortzetik zaizkit zain egoki,
Beti zurea naiz osoki.

Nere ahoak erranen du
Zutan dugula salbamendu.
Ainitzeri naiz harrigarri,
Zu zaizkit-eta zain etorri.
Ezpainak ditut kantuz ari
Goiz-arrats zure ospeari.

Nere ahoak erranen du
Zutan dugula salbamendu.
Nik zuri kantu, Jaun zuzena,
Goiz-arrats kantu; zer laguna!
Gaztetik nauzu zuk argitzen,
Ni zutaz kantuz ar nadien.

Nere ahoak erranen du
Zutan dugula salbamendu.
Geroko jendek duten entzun
Zuk zenbat duzun zuzentasun.
Zuk zenbat gauza egin duzun,
Parerik, Jauna, zuk ote nun?

Nere ahoak erranen du
Zutan dugula salbamendu.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et’erdi beherago

 

Jaunaren poza gure indarra betirako.
Jainko legea on ona da,
Bihotz gogoen pizgarria;
Jaunaren hitza ezin alda,
Jende lañoen zuhurtzia.

Jaunaren poza gure indarra betirako.
Haren manuak beti zuzen,
Bihotzarentzat bozkario.
Garbiki dute joanarazten
Soari argi baitzaizkio.

Jaunaren poza gure indarra betirako.
Jainko beldurra zoin garbia,
Menderen mende garbi doa.
Jaunak errana zoin egia,
Gezur izpirik gabekoa.

Jaunaren poza gure indarra betirako.
Nik erran hitzak onar-zkitzu,
Nere bihotzak derrautzuna.
Zuri ari naiz: zu zaitut zu
Nere harria, nere Jauna.

Jaunaren poza gure indarra betirako.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et ‘erdi beherago:

Gorarik aipa herriz herri
Zoin den Jainkoa miragarri!
Kanta Jaunari herriz herri,
Kanta guziek kantu berri.
Kanta Jaunaren izenari,
Mundu guzia jauz kantari.

Gorarik aipa herriz herri
Zoin den Jainkoa miragarri!
Aipa noiz nahi munduari
Zoin den orotan salbagarri.
Hura goraipa herriz herri,
Eman lurrez lur haren berri.

Gorarik aipa herriz herri
Zoin den Jainkoa miragarri!
Ekar Jaunari, kantuz ekar,
Herri guziek ospe, indar.
Jaunak izena hain du azkar,
Zor goresmenak kantuz ekar.

Gorarik aipa herriz herri
Zoin den Jainkoa miragarri!
Mundu guzirat has oihuka:
Jainko da Jauna, ezin uka.
Harek mundua xutik dauka:
Herriak zuzen derabilzka.

Gorarik aipa herriz herri
Zoin den Jainkoa miragarri!

Itzulpena : Xavier Diharce – Iratzeder O.S.B.
Editions EZKILA . Tous droits réservés.

 

Tonu bat et’erdi beherago:

L.a. 140/5.0.34

Zure lekuko, Izpiritua eta ura,

ospez betea ziren Jauna !

Dena dirdira, edertasuna duzu jauntzi,

argi zabalaz inguratua zare bizi.

Oihal urdinez duzu gain hartan zuk egoitza,

lanoez gora baizik zurekin ezin goza.

Zure lekuko, Izpiritua eta ura,

ospez betea ziren Jauna !

 

Zuk hedoi beltzak zaldi karroa, karro gaitza,

haize-hegalen gainen gainean bazabiltza.

haize zaluez duzu zabaltzen zure hitza,

suaren garraz badakizu noiz nola mintza.

Zure lekuko, Izpiritua eta ura,

ospez betea ziren Jauna !

 

Zoin diren nasai zure egintzak, Jainko Jauna,

zuk egin hoitaz lurra betea dago dena.

Huna itsaso, den izaiterik zabalena,

handi bai ttipi baitabil nasai hor arraina.

Zure lekuko, Izpiritua eta ura,

ospez betea ziren Jauna !

 

Guziak oro mundu guzitik daude zuri :

Eman dezazun behar orduan zuk janari.

Guziak dire zuk eman horren biltzen ari,

zabaltzen duzun eskutik denek indar berri.

Zure lekuko, Izpiritua eta ura,

ospez betea ziren Jauna !

 

Begitartea zuk gordetzean denen lotsa!

Zuk hatsa kenduz heien gorputza zer errautsa !

Berpizten dira zuk igortzean zure hatsa,

eta betbetan berritua da mundu hitsa.

Zure lekuko, Izpiritua eta ura,

ospez betea ziren Jauna !

Itzulpena : Xavier Diharce – Iratzeder O.S.B.
Editions EZKILA . Tous droits réservés.

 

Tonu bat et ‘erdi beherago:

Zure etxean dugu, Jauna,
Egun guzian zoriona!

Dohatsu bai zu Jaunaren beldur bazaudena,
Haren bidetan zabiltzana!
Zure eskuen lanetik duzu jan edana,
Eskutan duzu zoriona!

Zure etxean dugu, Jauna,
Egun guzian zoriona!

Zure andrea mahats-ondo bat bezain jori,
Etxe xokoa bozten ari.
Zure semeak oliba-ondo gotor batzu,
Mahainean so dagozkitzu.

Zure etxean dugu, Jauna,
Egun guzian zoriona!
Hara nolako zorionean dabilana
Jaunaren beldur den gizona.
Jainkoa lagun, bizi zareno izan urus,
Jerusaleme azkar ikus.

Zure etxean dugu, Jauna,
Egun guzian zoriona!

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat beherago

 

Gu itzularaz berriz zu gana :
Begitarteaz gu salba, Jauna !
Izraeldarren artzain, entzun :
Zure ardiak lehen bezala otoi, lagun !
Zure indarra berpitz-azu :
Zato, Jainkoa, salba gaitzazun, etor ba zu !

Gu itzularaz berriz zu gana :
Begitarteaz gu salba, Jauna !
Gu ganat itzul Jaungoikoa,
Zerutik beha, gure zain heda zuk besoa!
Zain mahasti hau, zaint zazu ba :
Zure eskuinak lantu mahatsa, otoi, salba.

Gu itzularaz berriz zu gana :
Begitarteaz gu salba, Jauna !
Zure gizona zuhauk lagun,
Hautatu duzun gizasemea hel dakigun.
Zure gaitutzu sekulako :
Pitz gaitzazu, pitz, guk zuri beti kantatzeko.

Gu itzularaz berriz zu gana :
Begitarteaz gu salba, Jauna !

Orria 2024

Bozkarioz jauz eta kanta,
Jauna zu baitan handi baita.
Jauna da nere Jaungoiko eta Salbatzaile:
Harekin nago, beldur gabe.
Jainkoa baita nere indarra, goresmena,
Hura, salbatu ninduena.

(Bozkarioz jauz eta kanta,
Jauna zu baitan handi baita.)
Eskerrak eta goresmen eman Jainkoari,
Dei egin haren izenari.
Miragarriak nasaiki egin dauzkigula
Mundu guzian da jakina.

(Bozkarioz jauz eta kanta,
Jauna zu baitan handi baita.)
Kanta Jaunari, ospetsu baita egintzetan,
Jakin bezate lur mugetan.
Zutan, Izrael, Jainko saindua handi baita
Zionen egin jauzi, kanta!

Bozkarioz jauz eta kanta,
Jauna zu baitan handi baita.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Fraileak:

Melodia: soilik

 

Handizki gaitu Jaunak lagundu,

Hara nun garen bozkariatzen.

Preso zirenak baititu Jaunak erakarri,

Gu ginen kasik ametsetan.

Ahoa zabal ginauden oro dena irri,

Kantu soinuak ezpainetan.

Handizki gaitu Jaunak lagundu,

Hara nun garen bozkariatzen.

 

Bertze jendeek egiten zuten so elgarri :

“ Ari da Jauna heien baitan ”.

Handizki dauku Jaunak eskua eman guri :

Hara nun garen lorietan !

Handizki gaitu Jaunak lagundu,

Hara nun garen bozkariatzen.

 

Eman Zuk, Jauna, gure jendean indar berri

Urek bezala mortuetan.

Nigar-hipetan joaten direnak ereilari,

Uzta bilari lorietan.

Handizki gaitu Jaunak lagundu,

Hara nun garen bozkariatzen.

 

Haratekoan harat doatzi pleinuz ari,

Hazi-bihiak eskuetan.

Hunatekoan hunat datortzi kantuz ari,

Espal ederrak besoetan.

Handizki gaitu Jaunak lagundu,

Hara nun garen bozkariatzen.

Airea : Gabriel Lerchundi O.S.B.
Tout droit propriété de l’abbaye de Belloc

Tonu bat beherago: