Tous les articles par admin1653

Helduak, Salmoak

95. C. Kanta Jaunari herriz herri

Gorarik aipa herriz herri
Zoin den Jainkoa miragarri!
Kanta Jaunari herriz herri,
Kanta guziek kantu berri.
Kanta Jaunaren izenari,
Mundu guzia jauz kantari.

Gorarik aipa herriz herri
Zoin den Jainkoa miragarri!
Aipa noiz nahi munduari
Zoin den orotan salbagarri.
Hura goraipa herriz herri,
Eman lurrez lur haren berri.

Gorarik aipa herriz herri
Zoin den Jainkoa miragarri!
Ekar Jaunari, kantuz ekar,
Herri guziek ospe, indar.
Jaunak izena hain du azkar,
Zor goresmenak kantuz ekar.

Gorarik aipa herriz herri
Zoin den Jainkoa miragarri!
Mundu guzirat has oihuka:
Jainko da Jauna, ezin uka.
Harek mundua xutik dauka:
Herriak zuzen derabilzka.

Gorarik aipa herriz herri
Zoin den Jainkoa miragarri!

Itzulpena : Xavier Diharce – Iratzeder O.S.B.
Editions EZKILA . Tous droits réservés.

 

Tonu bat et’erdi beherago:

Helduak, Salmoak

103.C. Dena dirdira


L.a. 140/5.0.34

Zure lekuko, Izpiritua eta ura,

ospez betea ziren Jauna !

Dena dirdira, edertasuna duzu jauntzi,

argi zabalaz inguratua zare bizi.

Oihal urdinez duzu gain hartan zuk egoitza,

lanoez gora baizik zurekin ezin goza.

Zure lekuko, Izpiritua eta ura,

ospez betea ziren Jauna !

 

Zuk hedoi beltzak zaldi karroa, karro gaitza,

haize-hegalen gainen gainean bazabiltza.

haize zaluez duzu zabaltzen zure hitza,

suaren garraz badakizu noiz nola mintza.

Zure lekuko, Izpiritua eta ura,

ospez betea ziren Jauna !

 

Zoin diren nasai zure egintzak, Jainko Jauna,

zuk egin hoitaz lurra betea dago dena.

Huna itsaso, den izaiterik zabalena,

handi bai ttipi baitabil nasai hor arraina.

Zure lekuko, Izpiritua eta ura,

ospez betea ziren Jauna !

 

Guziak oro mundu guzitik daude zuri :

Eman dezazun behar orduan zuk janari.

Guziak dire zuk eman horren biltzen ari,

zabaltzen duzun eskutik denek indar berri.

Zure lekuko, Izpiritua eta ura,

ospez betea ziren Jauna !

 

Begitartea zuk gordetzean denen lotsa!

Zuk hatsa kenduz heien gorputza zer errautsa !

Berpizten dira zuk igortzean zure hatsa,

eta betbetan berritua da mundu hitsa.

Zure lekuko, Izpiritua eta ura,

ospez betea ziren Jauna !

Itzulpena : Xavier Diharce – Iratzeder O.S.B.
Editions EZKILA . Tous droits réservés.

 

Tonu bat et ‘erdi beherago:

Haur kantu, Haurrak, Helduak, Iduzkilore / Aupa Jainkoa, KANTAK

Denek dezagun kanta

Jean Larrieu, Xalbat Berterretche, Mikel Erramouspe.

Denek dezagun kanta Jaunaren izena

zeru lur zabaletan haren Jauntasuna

Herri alde orotan esku zartarakan

batetaraturik har gaitezen kantan

1 –

Aintza etxe xokoetan

Aintza herri guzietan

Aintza mundu zabalean

Aintza bihotzetik Aintza.

Denek dezagun kanta Jaunaren izena

zeru lur zabaletan haren Jauntasuna

Herri alde orotan esku zartarakan

batetaraturik har gaitezen kantan.

2 –

Bildu haurridetasunez

Bildu bataio agintzez

Bildu herri bat eginez

Bildu gogo batez bildu.

Denek dezagun kanta Jaunaren izena

zeru lur zabaletan haren Jauntasuna

Herri alde orotan esku zartarakan

batetaraturik har gaitezen kantan.

3 –

Zuri gure atseginak

Zuri gure bihotz minak

Zuri lur huntako lanak

Fedez zuretzat emanak.

Denek dezagun kanta Jaunaren izena

zeru lur zabaletan haren Jauntasuna

Herri alde orotan esku zartarakan

batetaraturik har gaitezen kantan.

J. Irigoyen 1986

Melodia soilik:

Helduak, Salmoak

127 C. Dohatsu bai zu

Zure etxean dugu, Jauna,
Egun guzian zoriona!

Dohatsu bai zu Jaunaren beldur bazaudena,
Haren bidetan zabiltzana!
Zure eskuen lanetik duzu jan edana,
Eskutan duzu zoriona!

Zure etxean dugu, Jauna,
Egun guzian zoriona!

Zure andrea mahats-ondo bat bezain jori,
Etxe xokoa bozten ari.
Zure semeak oliba-ondo gotor batzu,
Mahainean so dagozkitzu.

Zure etxean dugu, Jauna,
Egun guzian zoriona!
Hara nolako zorionean dabilana
Jaunaren beldur den gizona.
Jainkoa lagun, bizi zareno izan urus,
Jerusaleme azkar ikus.

Zure etxean dugu, Jauna,
Egun guzian zoriona!

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat beherago