Orriako beila 2019. Lapurdi irratia
Eskerrak eman, menderen mendetan Eskerrak eman, Jainko Jaunari.
Eskerrak eman Jaunari, eskerrak eman, Eskerrak eman Jainko Jaunari ;
Eskerrak eman Jaunari, Eskerrak eman Jaunari.
Eskerrak eman Jaunari, eskerrak eman. (bis) Eskerrak eman Jainko Jaunari.
Orria 2019. Lapurdi irratia:
1-
Kantuz ari zait nere arima Jainkoari
haren goresle kantuz ari.
2-
Haren loriaz bozkariotan dut gogoa :
Salbatzaile dut nik Jainkoa.
3-
Naizen neskato apal hau baitu hautatua,
Mendeek neri : “ Dohatsua ” !
4-
Zoin handi nitan Jainko Jaun guziz indartsua !
Haren izena zoin saindua !
5-
Urrikalmenduz betea dago mendez-mende,
Sineste duten jenden alde.
6-
Bere besoan duen indarraz Harek ditu,
bihotz hantuak barreiatu.
7-
Beren alkitik handi-mandiak kendu ditu,
apalak aldiz goraltxatu.
8-
Gose zaudenak nasaiki ditu gozarazi,
aseak aldiz hutisk utzi.
9-
Behatu dio Izrael bere jendeari,
lehen bezala urrikari.
10-
Erran baitzuen gintuela gu lagunduko
Abrahamtarrak sekulako.
11-
Ospe Aitari, gizon egin den Semeari
bai Izpiritu Sainduari.
12-
Lehen bezala Heieri ospe orai ere !
hala dadila betiere !
1
Agur, itsas izar hain gozoz betea !
Jainkoaren Ama, zeruko atea ! (bis)
2
Izan gure Ama, gure deiak entzun,
Izan gaiten xume edo haur hobendun ! (bis)
3
Birjina Maria, hoin eder, hoin ezti,
Begira gaitzazu, garbi gauden beti. (bis)
4
Zeruraino xuxen goazen ba, zu lagun,
Jesus betiere goraipa dezagun. (bis)
5
Gora Jainko Aita ! Kristori ohore !
Izpirituari ospe betiere ! (bis)
Orriako beila 2019. Lapurdi Irratia:
Jaun zerukoa maite duena, legean doa xuxen xuxena.
1.Bai dohatsua Jaunaren beldur den gizona,
Haren nahian goza gozatuz dabilana.
2- Semeak azkar izanen ditu mundu huntan ;
Zuzenen haurrak Jainko Jaunaren eskuetan.
3- Haren etxean bada ontasun, gozotasun,
Haren barneko argia deusek ezin ilun.
4- llunbetan du zuzenen argi dirdiratzen,
Hain baita ezti bihotz oneko eta zuzen.
5- Denentzat badu bai ele ona, bai laguntza,
Dauzkanak oro zuzenkienik badabiltza.
6- Ezta sekulan lerratu eta eroriko ;
Gizon zuzena aipatua da sekulako.
7- Ez berri beltzen beldurrik nehoiz pizten hari ;
Haren bihotza osoki dago Jainkoari.
8- Bihotza dauka bakean eta beldur gabe,
Bere etsaiak ahalgetuak ikus arte.
9- Behartsuentzat badu laguntza, badu argi ;
Kopeta gora agertuko da lorioski.
10-Gizon makurra ihartuko da herra minez ;
Gizon makurren lehia beltzak indarrik ez.
11-Ospe Aitari gizon egin den Semeari,
Elizan ari den Izpiritu Sainduari.
12-Lehen bezala Heieri ospe orai ere:
Hala dadila menderen mende betiere.
Orriako beila 2019 Lapurdi irratiak grabatua
Zuk bidean, Ama beti dirdiraraz argia,
Sinesteaz doan goiti gaurko mundu berria.
Jainkoaren izar xuri, ilunbetan dirdir ari
Jainkoaren izar xuri, argi eman, Ama, guri.
Zuk bidean, Ama beti dirdiraraz argia,
Sinesteaz doan goiti gaurko mundu berria.
Fededunen Zaintzalea, zurekilan zer bakea
Fededunen Zaintzalea, hersturetan guri beha.
Zuk bidean, Ama beti dirdiraraz argia,
Sinesteaz doan goiti gaurko mundu berria.
Ezinduen Esperantza, eman fede, minak haiza.
Ezinduen Esperantza, gure alde, Ama, mintza
Zuk bidean, Ama beti dirdiraraz argia,
Sinesteaz doan goiti gaurko mundu berria.
Ikasteko: ahots sintetikoan grabatua
Gure aita, zeruetan zirena,
saindu izan bedi zure izena,
etor bedi zure erreinua,
egin bedi zure nahia,
zeruan bezala lurrean ere.
Emaguzu gaur egun huntako ogia,
barkatu gure zorrak,
guk ere gure zorduner
barkatzen diegunaz geroz.
eta ez gu tentaldirat ereman,
baina begira gaitzazu gaitzetik.
Gure geriza zaude zu, Jauna, mendez mende.
Hilkor gizonak sar diten berriz errautsean,
Zuk erran duzu: » Gizonak, berriz errauts izan. »
Mila bat urte zure begien aitzinean,
Atzoko egun ala gauaren idurian.
Gure geriza zaude zu, Jauna, mendez mende.
Hartzen dituzu eta hek amets baten pare,
Nola belarra hek sortu eta hil baitire.
Argi hastean handitzen eta dena lore,
Gauerakoan histen, ihartzen, ez deus ere.
Gure geriza zaude zu, Jauna, mendez mende.
Gure egunez erakuts guri zer diozun,
Gaiten gogotik zuhurtziarat hel, zu lagun.
Gu ganat itzul; noiz arte, Jauna, zaude urrun?
Zure direnez urrikaldurik, otoi, entzun!
Gure geriza zaude zu, Jauna, mendez mende.
Bihotz beteka goizetik ixur amodio,
Goiz-arrats dugun bai kantu eta bozkario.
Gure gainean bego Jaunaren bihotz ona:
Zuk lagun zazu gure eskuek egin lana.
Gure geriza zaude zu, Jauna, mendez mende.
Itzulpena : Xavier Diharce – Iratzeder O.S.B.
Editions EZKILA . Tous droits réservés.
R Idiarten omenez Ainhoak
Bai goretsia Jainko Jauna :
Apalak ditu goraltxatu!
Gizon zuzenek Jainkoari so jauzi kantu :
Bozaren bozez Jaunari zaizko dantzan bildu.
Kanta Jaunari, hura baitoa zeruz zeru:
Pitz eta kanta, haren izena Jauna baita.
Bai goretsia Jainko Jauna :
Apalak ditu goraltxatu!
Umezurtzekin begiratzen du alarguna:
Horra zer zaikun bere egoitzan ari Jauna.
Deika denari emaiten dio zoriona;
Suzko lurrean uzten, haatik, aiher dena.
Bai goretsia Jainko Jauna :
Apalak ditu goraltxatu!
Ixuri duzu zure haurreri on-iturri,
Heien indarrak, indar galduak, diten berri.
Zure jendeak egoitza zuen hortxet jarri,
Zuk apaindurik hoin maite duzun zure hori.
Bai goretsia Jainko Jauna :
Apalak ditu goraltxatu!
Itzulpena : Xavier Diharce – Iratzeder O.S.B.
Editions EZKILA . Tous droits réservés.
Tonu bat beherago:
Zoazte guziak munduz mundu
Berri onaren hedatzera.
Aipa zazue jende guziek Jainko Jauna,
Herri guziek erran goraki zoin den ona.
Guretzat duen amodioa betikoa,
Haren egia menderen mende nausi doa.
Zoazte guziak munduz mundu
Berri onaren hedatzera.
Itzulpena : Xavier Diharce – Iratzeder O.S.B.
Editions EZKILA . Tous droits réservés.
Tonu bat et ‘erdi beherago:
Doinua: Leonard Cohen.
Kantari: Miren Tristant.
Zu bizirik zaudeno,
hegalak zabal zkitzu!
Eder baita bizia, mirets azu!
Bizia ederra baita:
osoki goza ezazu
biziaren ederra, Alleluia!
Biziaren erronka
aire altxa egizu!
Biziaren legea onartu!
Biziaren dei ozena
zure baitan entzun zazu!
Biziaren deiari Alleluia!
Emankor da bizia:
bil zkiozu fruituak!
Bizia maitasunez har azu!
Bizia mixterio da:
zer darion entzun azu!
Bizia mixterio: Alleluia!
Ilun dagon bizia:
zuk argitu ezazu!
Biziaren doinua kantatu!
Biziko borroka huntan
sar zaite buru belarri!
Borrokan gogotik sar Alleluia!
Dudan dagon munduan
beti arriska zaite!
Biziaren onetan borroka!
Gogo bihotzak zabalik
atera zaite mundura!
Gogo bihotzak: Alleluia!
Hitzak Mikel Erramuzpe.
