Orria 2024

Bozkarioz jauz eta kanta,
Jauna zu baitan handi baita.
Jauna da nere Jaungoiko eta Salbatzaile:
Harekin nago, beldur gabe.
Jainkoa baita nere indarra, goresmena,
Hura, salbatu ninduena.

(Bozkarioz jauz eta kanta,
Jauna zu baitan handi baita.)
Eskerrak eta goresmen eman Jainkoari,
Dei egin haren izenari.
Miragarriak nasaiki egin dauzkigula
Mundu guzian da jakina.

(Bozkarioz jauz eta kanta,
Jauna zu baitan handi baita.)
Kanta Jaunari, ospetsu baita egintzetan,
Jakin bezate lur mugetan.
Zutan, Izrael, Jainko saindua handi baita
Zionen egin jauzi, kanta!

Bozkarioz jauz eta kanta,
Jauna zu baitan handi baita.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Fraileak:

Melodia: soilik

Handizki gaitu Jaunak lagundu,

Hara nun garen bozkariatzen.

Preso zirenak baititu Jaunak erakarri,

Gu ginen kasik ametsetan.

Ahoa zabal ginauden oro dena irri,

Kantu soinuak ezpainetan.

Handizki gaitu Jaunak lagundu,

Hara nun garen bozkariatzen.

Bertze jendeek egiten zuten so elgarri :

“ Ari da Jauna heien baitan ”.

Handizki dauku Jaunak eskua eman guri :

Hara nun garen lorietan !

Handizki gaitu Jaunak lagundu,

Hara nun garen bozkariatzen.

Eman Zuk, Jauna, gure jendean indar berri

Urek bezala mortuetan.

Nigar-hipetan joaten direnak ereilari,

Uzta bilari lorietan.

Handizki gaitu Jaunak lagundu,

Hara nun garen bozkariatzen.

Haratekoan harat doatzi pleinuz ari,

Hazi-bihiak eskuetan.

Hunatekoan hunat datortzi kantuz ari,

Espal ederrak besoetan.

Handizki gaitu Jaunak lagundu,

Hara nun garen bozkariatzen.

Airea : Gabriel Lerchundi O.S.B.
Tout droit propriété de l’abbaye de Belloc

Tonu bat beherago:

Zu ganat daukat nere arima, Jainko Jauna !
Zure bideak erakuts, Jauna, otoi, neri,
Emazu ere xendren berri.
Zure egia igor zadazu aitzindari,
Dena bainago beti zuri.

Zu ganat daukat nere arima, Jainko Jauna !
Ona da ona eta zuzena Jainko Jauna:
Harek xuxentzen makur dena.
Apalak ditu zuzen zuzenik joanarazten,
Beren bidean ibil diten.

Zu ganat daukat nere arima, Jainko Jauna !
Haren bidean egia eta amodio,
Hari josiak bagitzaio.
Hari daudenak ditu Jainkoak adiskide,
Agertzen da maiz heien alde.

Zu ganat daukat nere arima, Jainko Jauna !

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et ‘erdi beherago:

Tonu bat beherago:

Nahi nitzaio Jainkoari
Bizi naizeno kantuz ari.
Dohatsu Jaunak lagundua,
Jaunak bidean argitua ;
Egin baititu zeru lurrak
Bai itsasoa eta denak.

Nahi nitzaio Jainkoari
Bizi naizeno kantuz ari.
Jaunak betiko baitu zaintzen,
Bertzek joentzat hura zuzen.
Gosetueri harek ogi,
Gakotueri harek argi.

Nahi nitzaio Jainkoari
Bizi naizeno kantuz ari.
Itsutueri Jaunak begi,
Lehertueri dio : Jeiki !
Jaunak laguntzen urrun joanak,
Hazten umezurtz, alargunak.

Nahi nitzaio Jainkoari
Bizi naizeno kantuz ari.
Jaunak zuzenak ditu maite ;
Gizon makurrek traban dute.
Jainkoa Jainko betiere :
Gure Jauna Jaun mendez mende.

Nahi nitzaio Jainkoari
Bizi naizeno kantuz ari.

Urteko 32. Igandea B 145. Salmoa
L.a. 95 / S.a. 8

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Zaude nere zain, Jainko Jauna,
Zuri bainago, zuri dena.
Jauna, zu zaitut ondorio
Eta biziko bozkario
Biziko urrats guzietan
Jauna dut beti aitzinean.

Zaude nere zain, Jainko Jauna,
Zuri bainago, zuri dena.
Bihotza dut nik lorietan,
Zer boza dutan nere baitan.
Gorputza ere zer bakean,
Pausatuko zait hil-hobian.

Zaude nere zain, Jainko Jauna,
Zuri bainago, zuri dena.
Bizirat nauzu lagunduko,
Gozo nasaiez han beteko.
Zure ondoan zuhauri so,
Zer zoriona sekulako !

Zaude nere zain, Jainko Jauna,
Zuri bainago, zuri dena.

33.igandea

Guzien Jainko da Jesu Kristo :
betiereko ospean dago.
Jainkoa Jainko : nausitasuna du soineko,
Indar osoa du gerriko.
Finkatua du mundu zabala bere peko,
Deusek ez baitu higituko.

Guzien Jainko da Jesu Kristo :
betiereko ospean dago.
Zauden alkia bai betidanik, bai betiko :
Betieretik zaude Jainko.
Zure nahia lur guzirako manamendu :
Sineste oso merezi du.
Zauden etxean menderen mende zuri kantu,
Zauden etxean denak saindu.

Guzien Jainko da Jesu Kristo :
betiereko ospean dago.

Maite zaitut nik: zu baitan, Jauna, dut indarra!

Maite zaitut nik: zu baitan, Jauna, dut indarra,

Zuri esker dut beti garaitzen gaitz-oldarra.

Zu zaitut, Jauna, itsas-harroka, ihes-lurra,

Nere geriza deusek ezin har, ezin urra.

Maite zaitut nik: zu baitan, Jauna, dut indarra!

Deika nago ni on baino hobe den Jaun horri,

Eta jausten zait etsaietarik salbagarri.

Eman daut harek osasun eta bozkario

Salbatu nau ni, baitu neretzat amodio.

Maite zaitut nik: zu baitan, Jauna, dut indarra!

Gora Jainkoa! Eskerrak zuri, oi, Harroka!

Salbatu bainau, hari guziak bil goreska!

Erregeari diozu beti, dei orduko,

Indar emaiten etsai guzien garaitzeko.

Maite zaitut nik: zu baitan, Jauna, dut indarra!

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Kantuz daudela zuri, Jauna,
Badabiltzanak zure bila.
Jainkoarenak mundua eta mundukoak,
Bai lurra eta lurrekoak.
Harek du lurra itsas gainean ezarria
Ibai artean hor jarria.

Kantuz daudela zuri, Jauna,
Badabiltzanak zure bila.
Nor iganen da Jainko Jaunaren mendiraino
Dagon tokian nor sartuko ?
Eskuak eta bihotza garbi dabilana,
Gezurretarat ez doana.

Kantuz daudela zuri, Jauna,
Badabiltzanak zure bila.
Eginen dio Jaun Zerukoak ongi hari ;
Emanen dio Jaunak sari.
Jainko Jaunaren begitartea noiz nun goza
Holakoak bai badabiltza.

Kantuz daudela zuri, Jauna,
Badabiltzanak zure bila.

Itzulpena : Xavier Diharce – Iratzeder O.S.B.
Editions EZKILA . Tous droits réservés.