Ager zuk, Jauna, begitartea, zure argia, zure bakea.

Deika nagozu, Jauna, zu zaitut beti lagun :

Urrikal nitaz, nere oihua, otoi, entzun !

Ager zuk, Jauna, begitartea, zure argia, zure bakea.

Jendek diote:  » Nork emanen, nork zoriona ? »

Begitartean duzun argia ixur, Jauna !

Ager zuk, Jauna, begitartea, zure argia, zure bakea.

Etzan orduko bake osoan naiz lokartzen,

Zuhauk fidantzan bainauzu, Jauna, ni finkatzen

Ager zuk, Jauna, begitartea, zure argia, zure bakea.

Itzulpena : Xavier Diharce – Iratzeder O.S.B.

Hau da eguna Jaunarena :

Gaur piztu baita Jesus Jauna.

Jaunari kanta, ona baita :

 » Amodioa betiko baitu betikoa ».

Izraeldarrek, gora kanta :

 » Amodioa betikoa du betikoa « .

Hau da eguna Jaunarena :

Gaur piztu baita Jesus Jauna.

Jainko-eskua, esku gaitza :

Jainko-eskuak, esku azkarrak, zer laguntza !

Joan zait hiltzeko oren beltza :

Biziko naiz bai, Jaunak eginez nadin mintza.

Hau da eguna Jaunarena :

Gaur piztu baita Jesus Jauna.

Egilek utzi harri hori

Bilakatu da denak datxizkan ezkin-harri.

Jainko Jaunak du hau egina,

Gure begien gure bihotzen miragarri.

Hau da eguna Jaunarena :

Gaur piztu baita Jesus Jauna.

Jaunari kanta, ona baita:

Amodioa betiko baitu betikoa!

Jaunari kanta, ona baita:

Amodioa betikoa du betikoa!

Jainkozaleek gora kanta

Amodioa betikoa du betikoa!

Jaunari kanta, ona baita:

Amodioa betiko baitu betikoa!

Egilek utzi harri hori

Bilakatu da denak datxizkan ezkin-harri.

Jainko Jaunak du hau egina

Gure begien, gure bihotzen miragarri.

Jaunari kanta, ona baita:

Amodioa betiko baitu betikoa!

Hau da eguna Jaunarena,

Pitz eta kanta: zer zoriona! zer eguna

!

Oi, Jauna, izan salbagarri!

Oi, Jauna, eman ontasun, indar eta sari!

Jaunari kanta, ona baita:

Amodioa betiko baitu betikoa!

Ongi-etorri! Agur zuri!

Jaun izenean heldu denari, on-iturri.

Jaunari kanta, ona baita:

Amodioa betikoa du betikoa.

Jaunari kanta, ona baita:

Amodioa betiko baitu betikoa!

Itzulpena : Xavier Diharce – Iratzeder O.S.B.

Tonu bat et’erdi beherago:

Zeru kalitza dut hartuko,

Jaun izenari kantuz ari.

Zer dut Jaunari bihurtuko

Hainbertze baitaut eman neri ?

Zeru kalitza dut hartuko

Jaun izenari kantuz ari.

Zeru kalitza dut hartuko,

Jaun izenari kantuz ari.

Jainkoarentzat gauza gaitza

Bere sainduen heriotza.

Zuri naiz, Jauna, dena Zuri,

Ez dut orai nik deus lokarri.

Zeru kalitza dut hartuko,

Jaun izenari kantuz ari.

Nik zor eskerrak sarri Zuri,

Jaun izenari kantuz ari.

Nik zer eskerrak Jainkoari!

Jaunaren haurrak bil kantari.

Zeru kalitza dut hartuko,

Jaun izenari kantuz ari.

Tous droits réservés Edition Ezkila

Hazparneko meza EI 21/03/21 Bertze doinu batean

Bihotz garbia ezar ni baitan, zure argia heda dezadan!

Urrikal zaite nitaz, Jauna,

Hain duzu eta neurrigabeko bihotz ona.

Nere hobena ken errotik,

Garbi nezazu, garbi osoki bekatutik.

Bihotz garbia ezar ni baitan, zure argia heda dezadan!

Bihotz garbia ezar nitan,

Eta funtsezko xede azkarrak har ditzadan.

Zure begitik, ez ni haiza,

Ez, izpiritu saindua kenduz, huts bihotza.

Bihotz garbia ezar ni baitan, zure argia heda dezadan!

Pitz berriz nitan zure boza;

Zerurateko gogo zabalak bete neza.

Gaixtoak ditut argituko,

Bekatoreak zu ganat dire itzuliko.

Bihotz garbia ezar ni baitan, zure argia heda dezadan!

Itzulpena : Xavier Diharce – Iratzeder O.S.B.

Nere Jainkoa, nun zaude nun ?

Nitaz urrikal, otoi entzun.

Ikus orduko, guziek neri trufa, irri,

Ezpain muturrez eta buruaz keinuz ari;

 » Jaunari zagon, libra dezala ; bego Hari.

Ken dezala ken, maite duenez hor ageri. »

Nere Jainkoa, nun zaude nun ?

Nitaz urrikal, otoi entzun.

Zakur salbaiak ni nola irets badabilzka,

Gaizki egile osteak dauzkat inguruka.

Esku zangotan egin dautate zilo neri;

Hezurrak ditut guziak oro nik ageri.

Nere Jainkoa, nun zaude nun ?

Nitaz urrikal, otoi entzun.

Jauntzi zatiak hartu dauzkitet beren sari,

Egina dute soin gainekoaz  » ea nori ? ».

Nitarik otoi, ez egon, Jauna, beti urrun ;

Nere laguntza zatozkit laster nere lagun.

Nere Jainkoa, nun zaude nun ?

Nitaz urrikal, otoi entzun.

Zure izena aipatuko dut anaieri,

Bil-egunean emanez dener zure berri.

Jainkozaleek, eskerrak eman Jainkoari;

Izraeldarrak, beldurrez, maitez, has kantari.

Nere Jainkoa, nun zaude nun ?

Nitaz urrikal, otoi entzun.

Itzulpena : Xavier Diharce – Iratzeder O.S.B.

Zoin zaren ona, orroit, Jauna,

eta jar zaite gure alde!

Babiloneko ur bazterretan ginen jarri,

Eta nigarrak Ziongo minez hor ixuri.

Zurxurietan dilindaka

Eman ginuen xirribika.

Gu horrat bildu gizonek guri: Jo kantu, jo !

Minez asetzen gintuzten jendek : Bozkario !

Eman Ziongo zerbait kantu :

Behar da boztu eta piztu !

Guk Jainkoaren kantu saindurik nolaz kanta,

Jerusaleme atzerrirako utzi-eta ?

Ez banaiz zutaz orroit beti

Nere eskua eihar bedi.

Nere mihia idor dadila nola taula,

Bizi naizeno zu ahantzirik banabila.

Neri zorigaitz, ez badut nik

Jerusaleme maiteenik.

Editions EZKILA . Tous droits réservés. Airea : Gabriel Lerchundi O.S.B. Tout droit propriété de l’abbaye de Belloc

Betiereko bizirako hitzak dituzu, Jesukristo !
Jainko legea on ona da,
Bihotz gogoen pizgarria.
Jaunaren hitza ezin alda,
Jende lañoen zuhurtzia.
Betiereko bizirako hitzak dituzu, Jesukristo !
Haren manuak beti zuzen,
Bihotzarentzat bozkario.
Garbiki dute joanarazten,
Soari argi baitzaizkio.
Betiereko bizirako hitzak dituzu, Jesukristo !
Jainko beldurra zoin garbia,
Menderen mende garbi doa.
Jaunak errana zoin egia,
Gezur izpirik gabekoa.
Betiereko bizirako hitzak dituzu, Jesukristo !
Urrea ez da hain dirdira,
Den garbiena balitz ere.
Eztiak ez du gozo hura :
Jaunaren hitzak non zer pare ? Jesukristo
Betiereko bizirako hitzak dituzu, Jesukristo !
                    Xavier Diharce – Iratzeder O.S.B. 

Airea : Gabriel Lerchundi O.S.B.

Tout droit propriété de l’abbaye de Belloc

Ibiliko naiz Jauna baitan

Bizi direnen eskualdetan.

Badut sineste nahiz nion:

Ezin dut ezin jasan hori.

Jainkoarentzat gauza gaitza:

Bere sainduen heriotza.

Ibiliko naiz Jauna baitan

Bizi direnen eskualdetan.

Zuri naiz, Jauna, dena zuri,

Ez dut orai nik deus lokarri.

Nik zor eskerrak sarri zuri.

Jaun izenari kantuz ari.

Ibiliko naiz Jauna baitan

Bizi direnen eskualdetan.

Nik zer eskerrak Jainkoari!

Jaunaren haurrak bil kantari.

Jainkoarena den etxean,

Jerusaleme bihotzean.

Ibiliko naiz Jauna baitan

Bizi direnen eskualdetan.

Xavier Diharce – Iratzeder O.S.B.