Izan dezagun gau eta egun Jauna lagun !
Dohatsu bai zu, Jaunaren beldur bazaudena,
Haren bidetan zabiltzana.
Zure eskuen lanetik duzu jan edana,
Eskutan duzu zoriona.

Izan dezagun gau eta egun Jauna lagun !
Zure andrea mahats-ondo bat bezain jori,
Etxe xokoa bozten ari.
Zure semeak oliba-ondo gotor batzu,
Mahainean so dagozkitzu

Izan dezagun gau eta egun Jauna lagun !
Hara nolako zorionean dabilana
Jaunaren beldur den gizona.
Jainkoa lagun bizi zareno, izan urus,
Jerusaleme azkar ikus.

Izan dezagun gau eta egun Jauna lagun !

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Legea neri zait bihotz argi, boz iturri.
Jainko legea on ona da
Bihotz gogoen pizgarria.
Jaunaren hitza ezin alda,
Jende lañoen zuhurtzia.

Legea neri zait bihotz argi, boz iturri.
Jainko-beldurra zoin garbia !
Menderen mende garbi doa.
Jaunak errana zoin egia,
Gezur izpirik gabekoa.

Legea neri zait bihotz argi, boz iturri.
Zure hau beti naiz heiekin,
Hek nola bete dena begi.
Nork bere hutsak xuxen jakin ?
Huts gordetarik zuk ni garbi.

Legea neri zait bihotz argi, boz iturri.
Handikeririk ez utz nitan,
Ez dakitala nehoiz nausi.
Garbi nindake bai orduan,
Hoben handitik arrunt garbi.

L.a. 92 / S.a. 5. 25. Igandea B

Zatozkit laster, otoi, Jauna !
Zu zaitut lagun, zu laguntza !
Nere Jainkoa, zure izenaz eman indar,
Zure argiaz beirale jar.
Otoi, Jainkoa, nere otoitza gogotik har :
Deiak ditela zu baitan sar.

Zatozkit laster, otoi, Jauna !
Zu zaitut lagun, zu laguntza !

Buru harroak oldartu zaizkit tzarki neri,
Bizia kendu nahiz ari.
Heien begiak ez daude beha Jainkoari :
Herra daukate jan-edari.

Zatozkit laster, otoi, Jauna !
Zu zaitut lagun, zu laguntza !
Huna Jainkoa, lagun heldu zait, neri beha :
Zer biziaren zaintzalea.
Eginen ditut kantuz eskaintzak zuri, Jauna :
Zure izena baita ona.

Zatozkit laster, otoi, Jauna !
Zu zaitut lagun, zu laguntza !

Itzulpena : Xavier Diharce – Iratzeder O.S.B.
Editions EZKILA . Tous droits réservés.

L.a. 124 / S.a. 31. Urteko 23. Igandea B

Nahi nitzaio Jainkoari
bizi naizeno kantuz ari.
Jaunak betiko baitu zaintzen,
Bertzek joentzat hura zuzen.
Gosetueri harek ogi,
Gakotueri harek argi.

Nahi nitzaio Jainkoari
bizi naizeno kantuz ari.
Itsutueri Jaunak begi,
Lehertueri dio : Jeiki !
Jaunak laguntzen urrun joanak,
Hazten umezurtz, alargunak.

Nahi nitzaio Jainkoari
bizi naizeno kantuz ari.
Jaunak zuzenak ditu maite ;
Gizon makurrek traban dute.
Jainkoa Jainko betiere :
Gure Jauna, Jaun mendez mende.

Nahi nitzaio Jainkoari
bizi naizeno kantuz ari.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Ibiliko naiz Jauna baitan,
bizi direnen eskualdetan.
Maite dut Jauna, entzun baitu
Nik dudanean minki deitu.
Nere galdeak hartu ditu,
Nik egitean oihu kantu.

Ibiliko naiz Jauna baitan,
bizi direnen eskualdetan.
Hor zen orroaz herioa,
Hor dena sare ifernua.
Galdua nintzen, ezindua,
Oihu egin dut : « Hel, Jainkoa ! »

Ibiliko naiz Jauna baitan,
bizi direnen eskualdetan.
On eta zuzen dugu Jauna:
Jaunak betiko bihotz ona.
Begiratzen du den xumena :
Kendu daut harek nuen mina.

Ibiliko naiz Jauna baitan,
bizi direnen eskualdetan.
Harek hiltzetik jali gaitu,
Begiak boztu, oinak piztu.
Ibiliko naiz Jauna baitan,
Bizi direnen eskualdetan.

Ibiliko naiz Jauna baitan,
bizi direnen eskualdetan.

114. Salmoa
L.a. 90 / S.a. 2

Urteko 24. Igandea B

Nahi nitzaio Jainkoari
bizi naizeno kantuz ari.
Jaunak betiko baitu zaintzen,
Bertzek joentzat hura zuzen.
Gosetueri harek ogi,
Gakotueri harek argi.

Nahi nitzaio Jainkoari
bizi naizeno kantuz ari.
Itsutueri Jaunak begi,
Lehertueri dio : Jeiki !
Jaunak laguntzen urrun joanak,
Hazten umezurtz, alargunak.

Nahi nitzaio Jainkoari
bizi naizeno kantuz ari.
Jaunak zuzenak ditu maite ;
Gizon makurrek traban dute.
Jainkoa Jainko betiere :
Gure Jauna, Jaun mendez mende.

Nahi nitzaio Jainkoari
bizi naizeno kantuz ari.

Itzulpena : Xavier Diharce – Iratzeder O.S.B.

Editions EZKILA . Tous droits réservés.

Urteko 23. Igandea B 145. Salmoa
L.a. 124 / S.a. 31

Nor dauke, Jauna, zure baitan,
Zu zauden mendi saindu hartan ?
Bihotza garbi dabilana,
Zuzen zuzena den gizona.
Egiari bai datxikona,
Bertzez gaizkirik ez diona.

Nor dauke, Jauna, zure baitan,
Zu zauden mendi saindu hartan ?
Bertzen kaltetan ez doana,
Auzoen trufan ez dagona,
Tzarrentzat sorik ez duena,
Handi baitauka fededuna.

Nor dauke, Jauna, zure baitan,
Zu zauden mendi saindu hartan ?
Hitz eman eta hitzekoa,
Diru xurgatzen ez baitoa.
Jauntzen ez dena, joz gaixoa,
Sekulako xut, holakoa.

Nor dauke, Jauna, zure baitan,
Zu zauden mendi saindu hartan ?

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Goza ta beha zoin den gozoa,
zoin den maitea gure Jainkoa !
Jaunari beti esker emaiten nagokio,
Hari nik beti laudorio.
Jaunaren baitan arima kantuz banabila,
Bihotz apalak pitz ditela.

Goza ta beha zoin den gozoa,
zoin den maitea gure Jainkoa !
Dena begi da Jauna zuzenen zaintzen ari,
Dena beharri oihueri.
Gaixtagineri Jaunak hasarrez begiratzen,
Heien izena noiz nola ken.

Goza ta beha zoin den gozoa,
zoin den maitea gure Jainkoa !
Zuzenek oihu eta Jainkoak entzun ditu,
Hersturetarik berak hartu.
Bihotz errautsi apaldueri hurbil Jauna :
Zaintzen du zaintzen apal dena.

Goza ta beha zoin den gozoa,
zoin den maitea gure Jainkoa !
Bere gaizkiak hilen du hilen gaixtagina,
Onentzat duen herrak jana.
Bere gizonen zaintzale hor da hor Jainkoa :
Hari dagona ez da joa.

Itzulpena : Xavier Diharce – Iratzeder O.S.B.
Editions EZKILA . Tous droits réservés.
Airea : Gabriel Lerchundi O.S.B.

Goza ta beha zoin den gozoa,
zoin den maitea gure Jainkoa !
Jaunari beti esker emaiten nagokio,
Hari nik beti laudorio.
Jaunaren baitan arima kantuz banabila,
Bihotz apalak pitz ditela.

Goza ta beha zoin den gozoa,
zoin den maitea gure Jainkoa !
Jainkoarenek, izan Jaunaren beldur saindu :
Fede duenak dena badu.
Handi-mandiak hits eta gose badabiltza,
Jainkozaleak dena gauza.

Goza ta beha zoin den gozoa,
zoin den maitea gure Jainkoa !
Etor semeak, nahi dautzuet erakutsi
Jaunaren beldur nola bizi.
Non ote da non bizi egarri den gizona,
Nahi bailuke zoriona ?

Goza ta beha zoin den gozoa,
zoin den maitea gure Jainkoa !
Zure mihia begira zazu tzarkeritik,
Zure ezpainak gezurretik.
Gaizkitik urrunt eta zuzenki bizi zaite,
Bila bakea urtez urte.

Goza ta beha zoin den gozoa,
zoin den maitea gure Jainkoa !

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Urteko 20. Igandea B 33. Salmoa
L.a. 43 / S.a. 10

Goza ta beha zoin den gozoa,
zoin den maitea gure Jainkoa !
Jaunari beti esker emaiten nagokio,
Hari nik beti laudorio.
Jaunaren baitan arima kantuz banabila,
Bihotz apalak pitz ditela.

Goza ta beha zoin den gozoa,
zoin den maitea gure Jainkoa !
Denek batean gorets dezagun Jainko Jauna,
Eta goraipa Jaun izena.
Jaunaren bila nindoan eta huna Jauna :
Beldurra baitaut urrun joana.

Goza ta beha zoin den gozoa,
zoin den maitea gure Jainkoa !
Jaunari beha egon begiak dirdiraka :
Ez zaitezten gal, ez ahalka.
Dohakabeak dei egin dio, Jaunak entzun.
Hersturik ez dut, hura lagun.

Goza ta beha zoin den gozoa,
zoin den maitea gure Jainkoa !
Armaden pare dago Jaunaren Aingerua :
Fededunen zain xutitua.
Gozatuz goza, beha ba zoin den gozo Jauna :
Dohatsu hari darraikona.

Goza ta beha zoin den gozoa,
zoin den maitea gure Jainkoa !

Itzulpena : Xavier Diharce – Iratzeder O.S.B.

Airea : Gabriel Lerchundi O.S.B.

Editions EZKILA . Tous droits réservés.