partitura

Norberak kantatzeko (Tonu bat et ‘erdi beherago)

Jainko Jaunaren etxean nago, sekulako.
Jauna dut artzain: ez naiz egonen beharrean.
Zer gainetarat nerabilan!
Ur bazterreko pausa lekurat banerama,
Pitz dakitan, hor, pitz arima.

Jainko Jaunaren etxean nago, sekulako.
Haren ondotik bide zuzenez ni banoa:
Haren izena zoin gozoa!
Ilunbez ala gaitz erreketan joanik ere,
Nik ez beldurrik, hor baitzare.

Jainko Jaunaren etxean nago, sekulako.
Zure begia, zure makila hor direno,
Badut nik bake, badut gozo;
Zuhauk dautazu ezartzen neri mahain xuri,
Etsai guzien harrigarri.

Jainko Jaunaren etxean nago, sekulako.
Ixurtzen duzu nere bururat usain ezti,
Basoan badut gaindiz gaindi.
Nik zoriona eta grazia ditut lagun,
Nere bizian gau ta egun.
Banago eta Jaun zerukoa den etxean,
Epe luzerik luzenean.

Jainko Jaunaren etxean nago, sekulako.

Partitura

Norberak kantatzeko (Tonu bat beherago)

Zurea duzun mahastia,
Zure herria, otoi, salba!

Zuk Egiptotik mahastia
Jenderi hartu lurrean duzu ezarria,
Zuhauk diozu lurra lantu;
Erro azkarrak eginik, lurra bete baitu.

Zurea duzun mahastia,
Zure herria, otoi, salba!

Zeren gatik ken harresia?
Bidetik jendek larru dezaten mahastia?
Basurde beltzak xahu dezan,
Eta kanpoko bas-ihiziek errotik joan?

Zurea duzun mahastia,
Zure herria, otoi, salba!

Gu ganat itzul, Jaungoikoa:
Zerutik beha, gure zain heda zuk besoa.
Zain mahasti hau, zain zazu ba:
Zure eskuinak lantu mahatsa, otoi, salba!

Zurea duzun mahastia,
Zure herria, otoi, salba!

Zure gaituzu sekulako:
Pitz gaitzazu, pitz, guk zuri beti kantatzeko.
Egin, Jauna, gu nola lehen:
Erakuts guri begitartea, salba gaiten.

Zurea duzun mahastia,
Zure herria, otoi, salba!

Itzulpena : Xavier Diharce – Iratzeder O.S.B.
Editions EZKILA . Tous droits réservés.
Airea : Gabriel Lerchundi O.S.B.
Tout droit propriété de l’abbaye de Belloc

Partitura

Norberak kantatzeko (Tonu bat beherago)

Zer amodio duzun guretzat orroit, Jauna!
Zure bideak erakuts, Jauna, otoi, neri:
Emazu ere xendren berri.
Zure egia igor zadazu aitzindari,
Dena bainago beti zuri.

Zer amodio duzun guretzat orroit, Jauna!
Zer amodio duzun guretzat orroit, Jauna,
Zer sekulako bihotz ona.
Ez gogoan har nere gazteko bekatuak
Nere gaitz ezin ukatuak.
Neurri gabeko bihotz onean har nezazu,
Osoki ona baitzare zu.

Zer amodio duzun guretzat orroit, Jauna!
Ona da ona eta zuzena Jainko Jauna;
Harek xuxentzen makur dena.
Apalak ditu zuzen zuzenik joanarazten,
Beren bidean ibil diten.

Zer amodio duzun guretzat orroit, Jauna!

Partitura

Norberak kantatzeko (Tonu bat beherago)

Hurbil da Jauna hari otoizka daudeneri.

Zuri eskerrak egun guzian zeru alde.
Goretsiko dut zure izena mendez mende.
Handia Jauna eta osoki goresgarri:
Gure Jaunaren handitasuna ezin neurri.

Hurbil da Jauna hari otoizka daudeneri.

Eztia eta guziz ona da gure Jauna:
Urrikaltsua eta bihotzik nasaiena.
Mundu guziko guzientzat da ona Jauna:
Egin dituen ororentzat du bihotz ona.

Hurbil da Jauna hari otoizka daudeneri.

Zuzen da Jauna bere bidetan, beti zuzen;
Egin lanetan zoin dena bihotz den agertzen.
Hurbil da Jauna hari otoizka daudeneri,
Hari otoizka, bihotza zintzo eta garbi.

Hurbil da Jauna hari otoizka daudeneri.

Jainkoak badu bihotz on eta urrikalmendu.

Eskerrak eman, nere arima, Jainkoari ;
Nere barneko guziek haren izenari.
Eskerrak eman, nere arima, Jainkoari,
Ez nehoiz ahantz zoin usu zaitzun urrikari.

Jainkoak badu bihotz on eta urrikalmendu.

Harek barkatzen, noiz baitzare zu makur ari,
Indar emaiten, ahul bazare, ala eri.
Libratzen zaitu, kasik baitzare hil erori,
Emaiten dautzu amodioa minen sari.

Jainkoak badu bihotz on eta urrikalmendu.

Ez dago hura menderen mende bereari,
Ez auzi-gose, noiz eta nola gauzak xuri.
Gaizkien arau ez zaiku Jauna nehoiz ari,
Ez eta ere hobenen arau lotzen guri.

Jainkoak badu bihotz on eta urrikalmendu.

Zenbatez baita zerua nausi lur zolari,
Hala guretzat Jainko bihotza nausi ari.
Bi zeru aldek ezin neholaz jo elgarri:
Gure hobenak gutarik urrun hak ezarri.

Jainkoak badu bihotz on eta urrikalmendu.

Itzulpena : Xavier Diharce – Iratzeder O.S.B.
Editions EZKILA . Tous droits réservés.
Airea : Gabriel Lerchundi O.S.B.
Tout droit propriété de l’abbaye de Belloc

Norberak kantatzeko (Tonu bat et’erdi beherago)

Partitura

Egarriz noa, deika noa,
Noiz ikus ote, noiz Jainkoa.

Nere Jainkoa, goizetik noa zure bila:
Zutaz egarri banabila.
Lur agortua uriz egarri den bezala,
Ni zure minak nerabila.
Zauden etxean zu, Jauna, ikus zaitzadala,
Indarrez, ospez hoin zabala.

Egarriz noa, deika noa,
Noiz ikus ote, noiz Jainkoa.
Bizia baino zure grazia gozoago;
Zuri gogotik kantuz nago.
Jaun izenari nere bizian laudorio:
Eskuak luze nagokio.
Nere arimak Jauna du Jauna gozoz gozo:
Nere ezpainek bozkario.

Egarriz noa, deika noa,
Noiz ikus ote, noiz Jainkoa.
Izan zare zu nere laguntza gal bidean:
Gostuz nagozu hegalpean.
Nere arima badago tinki zu ondoan,
Atxik beti ni Zuk eskuan.

Egarriz noa, deika noa,
Noiz ikus ote, noiz Jainkoa.

Itzulpena : Xavier Diharce – Iratzeder O.S.B.
Editions EZKILA . Tous droits réservés.
Airea : Gabriel Lerchundi O.S.B.
Tout droit propriété de l’abbaye de Belloc

Norberak kantatzeko (Tonu beherago)

Partitura

Zuhauk egina ez utz, Jauna,
baituzu beti bihotz ona.

Eskerrak zuri, eskerrak, Jauna, bihotz osoz,
Otoizka entzun nauzulakotz.
Aingeruak so, zaitut zu kantuz aipatuko,
Tenplo alderat belauniko.

Zuhauk egina ez utz, Jauna,
baituzu beti bihotz ona.

Eskerrak zuri, on baitzare on eta zuzen:
Zuk hitza funski atxikitzen.
Nik zuri oihu egin orduko, zuk ni entzun;
Zer indar gaitzaz bete nauzun.

Zuhauk egina ez utz, Jauna,
baituzu beti bihotz ona.

Zoin gora Jauna: maitatzen ditu apalduak,
Urrundik uzten hanpatuak.
Zuk duzu, Jauna betiereko bihotz ona,
Sekulan ez utz hasi lana.

Zuhauk egina ez utz, Jauna,
baituzu beti bihotz ona.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Norberak kantatzeko (Tonu beherago):

Gorarik aipa herriz herri!
Zoin den Jainkoa miragarri !

Urrikal, otoi, guri Jainkoa, egin ongi,
Zure zeruko begitarteaz eman argi.
Zure bidea mundu guziak, ai, balaki,
Zutan balaki salbamendua nolaz aurki.

Gorarik aipa herriz herri!
Zoin den Jainkoa miragarri !

Has beite denak bozkariatzen, loriatzen,
Mundu guzia baitabilazu beti zuzen.
Jende guziak baitabilzkitzu beti zuzen,
Eta munduan herriak oro zuk bidatzen.

Gorarik aipa herriz herri!
Zoin den Jainkoa miragarri !
Herri guziek zuri, denek bat, amodio!
Guri Jainkoak diezagula egin ongi,
Mundu zabalak duela Jauna buruzagi!

Gorarik aipa herriz herri!
Zoin den Jainkoa miragarri !

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Partitura: Airea : G. Lerchundi O.S.B. Tout droit propriété de l’abbaye de Belloc

Zoin lorioski zaukun igana
Dena iguzki, Ama Birjina.

Entzun, alaba, eta beha,
Entzun gogotik errailea :
Ahantz zurea zen jendea,
Ahantz aitaren etxaldea.

Zoin lorioski zaukun igana
Dena iguzki, Ama Birjina.

Eta orduan Erregek so
Zure ederra du nahiko;
Zure jauna da sekulako:
Ahuspez eror belauniko.

Zoin lorioski zaukun igana
Dena iguzki, Ama Birjina.

Jende guziak heldu dire,
Gauzak eskainiz eta urre.
Herriko jaunak heldu ere,
Zure begiak nahiz bere.

Zoin lorioski zaukun igana
Dena iguzki, Ama Birjina.

(Guziz ederra erregina:
Zoin dena urre dabilana.)

Sartzen da sartzen Jauna gana,
Birjinak lagun zoin apaina.
Sartzen da hura, sartzen oro
Bai kantu, jauzi, bozkario!

Zoin lorioski zaukun igana
Dena iguzki, Ama Birjina.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Norberak kantatzeko (Tonu bat et’erdi beherago)

Partitura

Norberak kantatzeko (Tonu bat beherago)

Erakuts guri zure betiko bihotz ona,
Salbamendua igor, Jauna.

Huna zerutik Jaun zerukoa guri mintzo:
Bake dugula, bake dio;
Jainkozalentzat salbamendua zoin hurbil den,
Haren ospea gutaratzen.
Amodioak eta Egiak nola lehen
Dute munduan bat eginen.

Erakuts guri zure betiko bihotz ona,
Salbamendua igor, Jauna.

Zuzentasuna eta bakea sekulako
Besarka dire juntatuko.
Egia zaio gure lurrari aterako,
Zuzentasuna zerutik so.

Erakuts guri zure betiko bihotz ona,
Salbamendua igor, Jauna.
Ongi nasaia Jainkoak berak emanen du:
Jaunari esker lurrak fruitu.
Hak aitzinean zuzentasuna izanen du:
Doan bidean salbamendu.

Erakuts guri zure betiko bihotz ona,
Salbamendua igor, Jauna.