Tous les articles par admin1653

Helduak, Non classé, Salmoak

24B. Zure bideak erakuts.

Bideak, Jauna, denak ditutzu egia eta urrikalmendu.

Zure bideak erakuts, Jauna, otoi, neri:

Emazu ere xendren berri.

Zure egia igor zadazu aintzindari,

Dena bainago beti zuri.

Bideak, Jauna, denak ditutzu egia eta urrikalmendu.

Zer amodio duzun guretzat orroit, Jauna,

Zer sekulako bihotz ona.

Ez gogoan har nere gazteko bekatuak,

Nere gaitz ezin ukatuak.

Bideak, Jauna, denak ditutzu egia eta urrikalmendu.

Ona da ona eta zuzena Jainko Jauna :

Harek xuxentzen makur dena.

Apalak ditu zuzen zuzenik joanarazten,

Beren bidean ibil diten.

Bideak, Jauna, denak ditutzu egia eta urrikalmendu.

 

Helduak, Salmoak

50. ABC Hauste: Urrikal zaite nitaz

Bihotz berri bat eman guri :
Pitz gutan, Jauna, gogo berri!
Urrikal zaite nitaz, Jauna,
Hoin duzu eta neurri gabeko bihotz ona.
Nere hobena ken errotik,
Garbi nezazu, garbi osoki bekatutik.

Bihotz berri bat eman guri :
Pitz gutan, Jauna, gogo berri!
Nere gaizkien berri dakit,
Hobenak oro beti begitan badagozkit.
Zuri dut, zuri egin kalte,
Gaizki zaizuna zure begitan dut nik bete.

Bihotz berri bat eman guri :
Pitz gutan, Jauna, gogo berri!
Bihotz berria ezar nitan,
Eta funtsezko xede azkarrak har ditzadan.
Zure begitik ez ni haiza,
Ez, Izpiritu Saindua kenduz, huts bihotza.

Bihotz berri bat eman guri :
Pitz gutan, Jauna, gogo berri!
Pitz berriz nitan zure boza;
Zerurateko gogo zabalak bete neza.
Jauna, ezpainak zabal neri,
Nere ahoak goraipa zaitzan herriz herri.

Bihotz berri bat eman guri :
Pitz gutan, Jauna, gogo berri!

Xavier Diharce – Iratzeder O.S.B.

Tonu bat beherago:

 

 

Helduak, Salmoak

31B. Dohatsu zinez.

Zuk nauzu, Jauna, beiratuko
Salbamendua dut gerriko.
Dohatsu zinez bere gaizkitik garbi dena,
Baitu guzien barkamena.
Dohatsu zinez hoben gabetu den gizona,
Hak adiskide baitu Jauna.

Zuk nauzu, Jauna, beiratuko
Salbamendua dut gerriko.
Aitortu dautzut egina nuen bekatua,
Ez dut erdizka salatua.
Erran dut erran : « Aitortuko dut nik egina,
Barka zadazun, Jainko Jauna ».

Zuk nauzu, Jauna, beiratuko
Salbamendua dut gerriko.
Eta zuk, Jauna, kendu dautazu bekatua,
Behin, betikotz barkatua.
Gizon zuzenak, pitz, Jauna baitan, bozkaria !
Bihotz garbiak, hau loria !

Zuk nauzu, Jauna, beiratuko
Salbamendua dut gerriko.

                           Iratzeder

 

Helduak, Salmoak

146. B. Aipa Jainkoa

Mundu guziak Jaunari kantu,

bihotz hautsiak sendatzen ditu !

 

Aipa Jainkoa, ona baita :

Hain baita gozo, hari kanta !

Bihotz hautsiak piztu ditu,

Eta zauriak berak lotu.

Mundu guziak Jaunari kantu,

bihotz hautsiak sendatzen ditu !

 

Zenbat izar den kondu baitu,

Beren izenaz deitzen ditu.

Handia Jauna, izigarri,

Zuhurtasunaz ezin neurri.

Mundu guziak Jaunari kantu,

bihotz hautsiak sendatzen ditu !

 

Apalak ditu xut ezarri,

Buru harroak hits igorri.

Kanta Jaunari denek betan,

Hari eskerrak soinuz eman !

Mundu guziak Jaunari kantu,

bihotz hautsiak sendatzen ditu !

Iratzeder

 

 

 

Helduak, Salmoak

Zatozte kanta Jainkoari. 94 B


Guziek egun bihotzez dugun Jauna entzun.
Zatozte, kanta Jainkoari,
Pizten gaituen Harrokari.
Joan gitzaiola soinuz ari,
Jaunari denak jauz kantari.
Zatozte, kanta Jainkoari,
Pizten gaituen Harrokari.
Guziek egun bihotzez dugun Jauna entzun.
Zatozte haren otoizteko,
Gauden ahuspez belauniko.
Jaunak eginak garelako,
Hura dugu bai denek Jainko.
Gu Jaunarena den jendea,
Eskuz dabilan artaldea.
Guziek egun bihotzez dugun Jauna entzun.
Egun agian, zuek egun,
Jainko Jaunaren deia entzun.
Ez bihotz gogor, otoi, izan,
Nola Meriban eta Mazan.
Aitek han gogor egin zuten,
Nik eginer hotz egon ziren.
Guziek egun bihotzez dugun Jauna entzun.

Iratzeder

 

Non classé

Zure bideak erakuts Jauna! 24 B

Eitbek Senperen 2021:

Zure bideak erakuts, Jauna, otoi, neri,
Emazu ere xendren berri !

Zure bideak erakuts, Jauna, otoi, neri :
Emazu ere xendren berri.
Zure egia igor zadazu aitzindari,
Dena bainago beti zuri.

Zure bideak erakuts, Jauna, otoi, neri,
Emazu ere xendren berri !

Zer amodio duzun guretzat, orroit, Jauna,
Zer sekulako bihotz ona.
Ez gogoan har nere gazteko bekatuak,
Nere gaitz ezin ukatuak.
Neurri gabeko bihotz onean har nezazu,
Osoki ona baitzare zu.

Zure bideak erakuts, Jauna, otoi, neri,
Emazu ere xendren berri !

Ona da ona eta zuzena Jainko Jauna :
Harek zuzentzen makur dena,
Apalak ditu zuzen zuzenik joanarazten,
Beren bidean ibil diten.

Zure bideak erakuts, Jauna, otoi, neri,
Emazu ere xendren berri !

Helduak, KANTAK

Bakea. Otamendi/Arregi

Arrenka eska gaude : Bakea bakea !
Adiskide izateko bakea.
Barkamen bidetik bakea bakea !
Elkar maitatzeko bakea.

Gu guztion artean bakea bakea
Jesusek nahi zuen bakea.
Benetan denontzat bakea bakea
zorion bizia bakea !

Hitzak: Otamendi. Doinua: Arregi.

-_-_-_-_-_-_-_-_-_-_-_-_-_-_-_-_-_-_-_-_

Iparraldekotua :

Otoizka galdez gaude : Bakea bakea!
Adiskide izateko bakea.
Barkamen bidetik: Bakea bakea!
Elkar maitatzeko bakea.

Gu guzien artean: Bakea bakea!
Jesusek nahi zuen bakea.
Bai zinez denentzat: Bakea, bakea!
Zorion bizia, bakea !

Sintesi bozarekin:

Partitura

 

Helduak, Salmoak

71. salmoa Trufania. ABC urteak

Herri guziak belauniko
Zaizkizu, Jauna, etorriko.
Emozu, Jauna, zure argia erregeri,
Zuzen dabilan zu iduri ;
Zuzenki bezo mana zure den jendeari,
Zure xumentzat xuxen ari.

Herri guziak belauniko
Zaizkizu, Jauna, etorriko.
Haren urtetan zuzentasuna dena lore,
Lurra lur deno, denek bake.
Hak itsasotik itsasoraino denak bere,
Ibaiak eta lurrak ere.

Herri guziak belauniko
Zaizkizu, Jauna, etorriko.
Tarzizko eta urrungo jaunak ahuspeka,
Dena emaitza badabilzka.
Egonen zaizko lurreko jaunak belauniko:
Jende guziak haren peko.

Herri guziak belauniko
Zaizkizu, Jauna, etorriko.
Lagunduko du oihuz ari den behartsua
Eta guziek ukatua.
Dohakaberi luzatuko du maiz eskua.
Heien zain dago apaldua.

Herri guziak belauniko
Zaizkizu, Jauna, etorriko.

   Iratzeder

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Airea : Gabriel Lerchundi O.S.B.
Tout droit propriété de l’abbaye de Belloc

 

Tonu bat et’erdi beherago:

Partitura