Tous les articles par admin1653

Non classé

97. C. Egin Jaunari . 33. igandea

Heldu da Jauna, ikus dezan
Herriak zuzen badabiltzan.
Egin Jaunari soinu kantu:
Jo xirribika, jo salmo ttunttun eta xistu,
Adar-soinu jo, zilar-soinu,
Pitz eta kanta, lurrak errege Jauna baitu.

Heldu da Jauna, ikus dezan
Herriak zuzen badabiltzan.
Itsas-uhainek hari kanta:
Lur guzia jauz: guzi guzien Jauna baita.
Ibaiek egin esku zarta:
Mendi-buruek, irrintzin eta zinka bota.

Heldu da Jauna, ikus dezan
Herriak zuzen badabiltzan.
Kanta Jaunari, heldu baita:
Bai, heldu baita, berak hartzeko lurraz arta.
Joanen du joanen lurra zuzen,
Herriak oro zuzenbidean joan ditezen.

Heldu da Jauna, ikus dezan
Herriak zuzen badabiltzan.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat beherago:

Gazte kantu, Haur kantu, Haurrak, KANTAK, Katixima

Jainkoaren erreinua

Jainkoaren erreinua
noizko den ez galda!
Jainkoaren erreinua
gure artean da. (bis)

Atzokoak: atzo atzo!
biharkoak: bihar bihar!
Egun zauku Jauna mintzo,
Haren deia denek onar!

Jainkoaren erreinua
noizko den ez galda!
Jainkoaren erreinua
gure artean da. (bis)

Urrungoak: urrun urrun!
Barnekoak: barna barna!
Elgar maita elgar lagun,
Gutartean dagon Jauna!

Jainkoaren erreinua
noizko den ez galda!
Jainkoaren erreinua
gure artean da. (bis)

Lurrekoak: hurbil hurbil!
Zerukoak: gora gora!
Dohakabeen lagun ibil,
hetan baita Jauna beha!

Jainkoaren erreinua
noizko den ez galda!
Jainkoaren erreinua
gure artean da. (bis)

Iratzeder

Non classé

97. C. Kanta Jaunari kantu berri. 28

Herri guzien salbagarri
Hara gaur non den Jauna jeiki.
Kanta Jaunari kantu berri,
Harek eginak oro baitire miragarri.
Berez bere da nausi jarri,
Bere besoaz jaun agertu da munduari.

Herri guzien salbagarri
Hara gaur non den Jauna jeiki.
Salbatzaile da jeiki Jauna :
Ikusi dute zoin ona dugun, zoin zuzena
Izraelentzat zer laguna,
Erakutsi du bere betiko bihotz ona.

Herri guzien salbagarri
Hara gaur non den Jauna jeiki.
Lur guziak du ikusia
Gure Jaunaren salbamenduko iguzkia.
Kanta Jaunari lur guzia :
Pitz eta kanta, bai bozkaria, bai loria.

Herri guzien salbagarri
Hara gaur non den Jauna jeiki.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat beherago:

Helduak, Salmoak

94. C. Zatozte, kanta Jainkoari. 27. igandea.

Guziek egun bihotzez dugun Jauna entzun.
Zatozte, kanta Jainkoari,
Pizten gaituen Harrokari.
Joan gitzaiola soinuz ari,
Jaunari denak jauz kantari.
Zatozte, kanta Jainkoari,
Pizten gaituen Harrokari.

Guziek egun bihotzez dugun Jauna entzun.
Zatozte haren otoizteko,
Gauden ahuspez belauniko.
Jaunak eginak garelako,
Hura dugu bai denek Jainko.
Gu Jaunarena den jendea,
Eskuz dabilan artaldea.

Guziek egun bihotzez dugun Jauna entzun.
Egun agian, zuek egun,
Jainko Jaunaren deia entzun.
Ez bihotz gogor, otoi, izan,
Nola Meriban eta Mazan.
Aitek han gogor egin zuten,
Nik eginer hotz egon ziren.

Guziek egun bihotzez dugun Jauna entzun.

Itzulpena : Xavier Diharce – Iratzeder O.S.B.
Airea : Gabriel Lerchundi O.S.B.
Tout droit propriété de l’abbaye de Belloc

 

Tonu bat et ‘erdi beherago:

Helduak, KANTAK

O Jesus ogiaren itxuran gordea. (Idiart)

H: Roger Idiart. Airea : Xarmegarria zira (Lapurdi Irratiak. Ainhoa 2019)

1 –
O Jesus ogiaren itxuran gordea,
Zure Hitzaren baitan dugu sinestea.
Orori emaguzu elgar maitatzea,
Hemen hartzen duguna bester emaitea.
2 –
Lur huntan maitasuna galtzen da errexki :
Gerla baten pizteko, demendren bat aski …
Ahatik Berri Ona hor baita uruski,
Mezua izan bedi entzunik leialki.
3 –
Bazko aintzin bildurik ortzegunarekin,
Afaltzen ari zinen zure lagunekin.
Heien oinak xukatuz oihal txar batekin,
Zonbat hunki gaitutzun egintza horrekin !
4 –
Nagusia zen mintzo bere mutilari :
« Zu ere ni bezala izan zerbitzari ».
Gauden so gau hartako azken emaitzari,
Indar guziz lotzeko Jaunaren Hitzari.
5 –
Artzain ona, zuri gaur guk egin galdea :
Norat ari ote da zure artaldea ?
Uztaren biltzalerik agertuko dea ?
Otoi susta ezazu fededun gaztea !
6 –
Jesus, gurekin zaude, arkaitza iduri,
Gu denentzat baituzu odola ixuri.
Egizu sor ditezen zonbeit artzain berri,
Ogiaren hausteko zure orroitgarri.

Helduak, Salmoak

145. C. Bertzek joentzat. 26.

Nahi nitzaio Jainkoari
bizi naizeno kantuz ari.
Bertzek joentzat Jauna zuzen,
Harek betiko ditu zaintzen.
Gosetueri harek ogi,
Gakotueri harek argi.

Nahi nitzaio Jainkoari
bizi naizeno kantuz ari.
Itsutueri Jaunak begi,
Lehertueri dio: Jeiki.
Jaunak laguntzen urrun joanak,
Hazten umezurtz, alargunak.

Nahi nitzaio Jainkoari
bizi naizeno kantuz ari.
Jaunak zuzenak ditu maite,
Gizon makurrek traban dute.
Jainkoa Jainko betiere:
Gure Jauna Jaun mendez mende.

Nahi nitzaio Jainkoari
bizi naizeno kantuz ari.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et ‘erdi beherago:

Helduak, Salmoak

112. C. Jaunaren haurrek 25

Jainkoaz kanta, nola duen
dohakabea goraltxatzen.
Jaunaren haurrek, aipa Jauna,
Aipa kartsuki Jaun izena.
Jaun izenari agur aspe,
Bai orai eta betiere.

Jainkoaz kanta, nola duen
dohakabea goraltxatzen.
Nor da munduan nola Jauna
Zeru gainetan Jaun dagona?
Zeru lurretan den xumena
Harek ikusten, hain da ona.

Jainkoaz kanta, nola duen
dohakabea goraltxatzen.
Dohakabea du altxatzen,
Errauts zokotik argiratzen,
Jaun handietan ezar dezan,
Bere herrika handietan.

Jainkoaz kanta, nola duen
dohakabea goraltxatzen.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

 

Tonu bat beherago:

Helduak, Salmoak

50. C. Urrikal zaite. 24 (bukatzekoa)

Xutituko naiz, bai eta joanen Aitarenganat.
Urrikal zaite nitaz, Jauna,
Hoin duzu eta neurrigabeko bihotz ona.
Nere hobena ken errotik,
Garbi nezazu, garbi osoki bekatutik.

Xutituko naiz, bai eta joanen Aitarenganat.
Bihotz garbia ezar nitan,
Eta funtsezko xede azkarrak har ditzadan.
Zure begitik ez ni haiza,
Ez, izpiritu saindua kenduz, huts bihotza.

Xutituko naiz, bai eta joanen Aitarenganat.
Jauna, ezpainak zabal neri,
Nere agoak goraipa zaitzan herriz herri.
Har beraz nere urrikia:
Har, otoi, Jauna, bihotz apaldu errautsia.

Bezperak, Helduak, Herria elizan, KANTAK

Adora dezagun (08) HE

Orriako beila 2019. Lapurdi irratia

Adora dezagun menderen mendetan

Jesus Jainko Jauna sakramendu huntan.

Jesus amodioz bihotza gaindian

zein miragarri zen azken afarian.

Guretzat zelarik hiltzerat abian,

gerokotz ere zen gurekin nahian.

Adora dezagun menderen mendetan

Jesus Jainko Jauna sakramendu huntan.

Apostolueri erraiten diote :

« Ni gaur saldua naiz, bihar hilen naute.

Aitaren ganako denbora zait bete :

Huna orai zonbat zaituztedan maite. »

Adora dezagun menderen mendetan

Jesus Jainko Jauna sakramendu huntan.

Ogia harturik, mintzo da Jainkoa :

« Hau da ene Gorputz gurutzerakoa. »

Gero kanbiatuz orobat arnoa :

« Hau da ene Odol ixuri gogoa. »