Nor dauke, Jauna, zure baitan,
Zu zauden mendi saindu hartan ?
Bihotza garbi dabilana,
Zuzen zuzena den gizona.
Egiari bai datxikona,
Bertzez gaizkirik ez diona.

Nor dauke, Jauna, zure baitan,
Zu zauden mendi saindu hartan ?
Bertzen kaltetan ez doana,
Auzoen trufan ez dagona,
Tzarrentzat sorik ez duena,
Handi baitauka fededuna.

Nor dauke, Jauna, zure baitan,
Zu zauden mendi saindu hartan ?
Hitz eman eta hitzekoa,
Diru xurgatzen ez baitoa.
Jauntzen ez dena, joz gaixoa,
Sekulako xut, holakoa

Nor dauke, Jauna, zure baitan,
Zu zauden mendi saindu hartan ?

Zuk, Jainko Jauna, erran hitzak
bai izpiritu eta bizi!
Jainko Legea on ona da,
bihotz gogoen pizgarria.
Jaunaren hitza ezin alda,
jende lañoen zuhurtzia.

Zuk, Jainko Jauna, erran hitzak
bai izpiritu eta bizi!
Haren manuak beti zuzen,
bihotzarentzat bozkario.
Garbiki dute joanarazten,
soari argi baitzaizkio.

Zuk, Jainko Jauna, erran hitzak
bai izpiritu eta bizi!
Jainko-beldurra zoin garbia,
menderen mende garbi doa.
Jaunak errana, zoin egia,
gezur-izpirik gabekoa.

Zuk, Jainko Jauna, erran hitzak
bai izpiritu eta bizi!
Urrea ez da hain dirdira,
den garbiena balitz ere.
Eztiak eztu gozo hura:
Jaunaren hitzek nun zer pare?

Zuk, Jainko Jauna, erran hitzak
bai izpiritu eta bizi!

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat beherago:

Zeru-Iurreko Jaun eta Jainko
Zaude zu Kristo, betiereko!
Jainkoa Jainko, jauz eta kanta, lur guzia,
Itsas leihorrak, bozkaria.
Hedoi-ilunbez inguratua da ibilki,
Zuzentasuna du jar-alki.

Zeru-Iurreko Jaun eta Jainko
Zaude zu Kristo, betiereko!
Gora diote zeru indarrek zoin den zuzen,
Eta gizonak ikaratzen.
Jaunaz bertzeri josi guziak ahalgez ur,
Handi guziek hari agur.

Zeru-Iurreko Jaun eta Jainko
Zaude zu Kristo, betiereko!
Zu zaitugu zu mundu guzian jaunen Jauna,
Zu denetarik handiena.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et’erdi beherago:

Gorarik aipa herriz herri!
Zoin den Jainkoa miragarri !
Urrikal, otoi, guri Jainkoa, egin ongi,
Zure zeruko begitarteaz eman argi.
Zure bidea mundu guziak, ai, balaki,
Zutan balaki salbamendua nolaz aurki.

Gorarik aipa herriz herri!
Zoin den Jainkoa miragarri !
Has beite denak bozkariatzen, loriatzen,
Mundu guzia baitabilazu beti zuzen.
Jende guziak baitabilzkitzu beti zuzen,
Eta munduan herriak oro zuk bidatzen.

Gorarik aipa herriz herri!
Zoin den Jainkoa miragarri !
Herri guziek zuri, Jainkoa, laudorio.
Herri guziek zuri, denek bat, amodia!
Guri Jainkoak diezagula egin ongi,
Mundu zabalak duela Jauna buruzagi!

Gorarik aipa herriz herri!
Zoin den Jainkoa miragarri !

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et ‘erdi beherago:

Zure izena dut goretsiko mendez mende:
Zu zaitut Jainko, zu Errege.
Eztia eta guziz ona da gure Jauna,
Urrikaltsua eta bihotzik nasaiena.
Mundu guziko guzientzat da ona Jauna,
Egin dituen ororentzat du bihotz ona.

Zure izena dut goretsiko mendez mende:
Zu zaitut Jainko, zu Errege.
Zuhauk eginek Jauna goraipa zaitzatela,
Zure gizonek eskerrak zuri, zor bezala.
Zuk erresuman duzun ospea diotela,
Aipa ere bai zure besoan den ahala.

Zure izena dut goretsiko mendez mende:
Zu zaitut Jainko, zu Errege.
Jakin dezaten denek zu baitan den indarra,
Zure betiko erresuman den ospe hura.
Zuk erresuma, mendez mendeko erresuma,
Zure eskua noiz artekoa ezi

n asma.

Zure izena dut goretsiko mendez mende:
Zu zaitut Jainko, zu Errege.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et’erdi beherago

Airea : Gabriel Lerchundi O.S.B.
Tout droit propriété de l’abbaye de Belloc

Goza ta beha zoin den gozoa,
zoin den maitea gure Jainkoa !
Jaunari beti esker emaiten nagokio,
Hari nik beti laudorio.
Jaunaren baitan arima kantuz banabila,
Bihotz apalak pitz ditela.

Goza ta beha zoin den gozoa,
zoin den maitea gure Jainkoa !
Denek batean gorets dezagun Jainko Jauna,
Eta goraipa Jaun izena.
Jaunaren bila nindoan eta huna Jauna :
Beldurra baitaut urrun joana.

Goza ta beha zoin den gozoa,
zoin den maitea gure Jainkoa !
Jaunari beha egon begiak dirdiraka :
Ez zaitezten gal, ez ahalka.
Dohakabeak dei egin dio, Jaunak entzun.
Hersturik ez dut hura lagun.

Goza ta beha zoin den gozoa,
zoin den maitea gure Jainkoa !

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat beherago:

Airea : Gabriel Lerchundi O.S.B.
Tout droit propriété de l’abbaye de Belloc

Jainkoak badu bihotz on eta urrikalmendu.
Eskerrak eman, nere arima, Jainkoari,
Nere barneko guziek haren izenari.
Eskerrak eman, nere arima, Jainkoari,
Ez nehoiz ahantz zoin usu zaitzun urrikari.

Jainkoak badu bihotz on eta urrikalmendu.
Harek barkatzen, noiz baitzare zu makur ari,
Indar emaiten, ahul bazare ala eri.
Libratzen zaitu, kasik baitzare hil erori;
Emaiten dautzu amodioa minen sari.

Jainkoak badu bihotz on eta urrikalmendu.
Gauza orotan beti da Jauna zuzen ari,
Beren zuzena itzultzen baitu gaixoeri.
Emana dio berak Moisi bere berri,
Izraelentzat egin du ainitz miragarri.

Jainkoak badu bihotz on eta urrikalmendu.
Ona da Jauna eta guziez urrikari,
Ez hasarrekor bainan bihotzen altxagarri.
Zenbatez baita zerua nausi lur zolari,
Hala guretzat Jainko bihotza nausi ari.

Jainkoak badu bihotz on eta urrikalmendu.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat et’erdi beherago:

Egun beltzetan, zu, Jauna, izan nere aldean.
Jaun-Goikoaren hegalen pean, zer bakean,
Indar guziak dituenaren itzalean.
Jaunari diot: nere geriza zure baitan.
Bihotz guziaz nago Jaunaren eskuetan.

Egun beltzetan, zu, Jauna, izan nere aldean.
Ez daiteke sar atsegaberik zure baitan,
Ez minik ere gauaz lo zauden toki hartan.
Aingerueri diote zutaz Jaunak erran
Zure zaintzeko munduko bide guzietan.

Egun beltzetan, zu, Jauna, izan nere aldean.
Esku besotan zaituzte berek eremanen,
Zure zangoek deus harririk jo ez dezaten.
Lehoinen eta suge gainetik zare joanen,
Herensugeak ditutzu ere leherturen.

Egun beltzetan, zu, Jauna, izan nere aldean.
Neri baitago eginen diot begitarte,
Zainduko dut nik, nere izena baitu maite.
Deitu orduko, banagokio beti alde,
Altxatuko dut, deneri nausi eman arte.

Egun beltzetan, zu, Jauna, izan nere aldean.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat beherago:

Hain ona baita, aipa Jauna !
On da Jaunaren aipatzea,
Jainkoa, zuri kantatzea.
Goizetan diot : zu zoin ona,
Eta gauez gau : zoin zuzena.

Hain ona baita, aipa Jauna !
Zuzena nola palmondoa,
Nola zedroa, goiti doa.
Jainkoarenak palmen pare,
Hek betiere dena lore.

Hain ona baita, aipa Jauna !
Fruitu badute, zahar ere :
Beti pitz eta gotor dire.
Dioten Jauna zoin den zuzen :
Nere harroka ez mugitzen.

Hain ona baita, aipa Jauna !

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Tonu bat beherago:

Bai dohatsua Jaunari dagon fededuna.
Bai dohatsua zuzen ibilki den gizona:
Ez du onartzen gizon makurrek diotena.
Bekatoreen bidean ez da hura sartzen,
Ez eta ere trufatzaileen lagun jartzen.

Bai dohatsua Jaunari dagon fededuna.
Zuzen denari Jainko legea zer gozoa!
Gau eta egun haren legean du gogoa.
Iduri luke ur bazterrean den zuhaitza:
Ordu denean fruitu nasaiak baitakartza.

Bai dohatsua Jaunari dagon fededuna.
Haren ostoa ez da zimeltzen, ez erortzen:
Egin guziak ongi doazko eta zuzen.
Ezta ez hala gizon makurrez, ezta hala:
Bainan haizean lasto-errautsa den bezala.
Gizon zuzenen urratsak Jaunak zaintzen ditu,
Gizon makurren bideak, aldiz, onik eztu.

Bai dohatsua Jaunari dagon fededuna.

Itzulpena : Xavier Diharce – Iratzeder O.S.B.

Editions EZKILA . Tous droits réservés.

Tonu bat et ‘erdi beherago