Partitura

Norberak kantatzeko (Tonu bat beherago)

Guziek betan Jaunari kanta,
Zeru lurretan denen Jaun baita.

Jainkoa Jainko: jauz eta kanta, lur guzia,
Itsas leihorrak, bozkaria.
Hedoi ilunbez inguratua da ibilki,
Zuzentasuna du jar-alki.

Guziek betan Jaunari kanta,
Zeru lurretan denen Jaun baita.

Ortzi ximixtak igortzen ditu munduz mundu:
Ikarak lurra nahasten du.
Ezkoz iduri, mendiak zaizko urtzen ari,
Mundu guziko Nausiari.

Guziek betan Jaunari kanta,
Zeru lurretan denen Jaun baita.

Gora diote zeru indarrek zein den zuzen
Eta gizonak ikaratzen.
Izraeldarrak Zion mendian kantuz daude,
Zuzen baitzare mendez mende.

Guziek betan Jaunari kanta,
Zeru lurretan denen Jaun baita.

Partitura

Norberak kantatzeko (Tonu bat beherago)

Jaun zerukoa, zoin dutan maite zure legea!

Hau dut bizia, hau dut guzia bai nik Jauna:
Egin nahi dut zuk errana.
Zure ahoko legeak hobe du balio
Urre, zilarrez milek baino.

Jaun zerukoa, zoin dutan maite zure legea!

Pizgailu bekit zure betiko bihotz ona,
Neri baituzu hitzemana.
Bizi nadien ixur nasaiki amodio,
Zure legea hain dut gozo.

Jaun zerukoa, zoin dutan maite zure legea!

Hargatik ditut manamenduak bihotzean:
Ez zait urrea deus aldean.
Hargatik hautuz zuk nahiari nagokio:
Gezur bidea dut hastio.

Jaun zerukoa, zoin dutan maite zure legea!

Eman ditutzu manamenduak miragarri:
Hargatik naiz ni hoitan ari.
Zuk erran hitza entzuleentzat zer argia:
Bihotz lañoen bidaria. (gidaria?)

Jaun zerukoa, zoin dutan maite zure legea!

Airea : Gabriel Lerchundi O.S.B. Tout droit propriété de l’abbaye de Belloc

Partitura

Norberak kantatzeko (Tonu bat t’erdi beherago)

Ona zare zu, ona, Jauna,
Denentzat duzu bihotz ona!

Ona zare zu, dei egilentzat ona, Jauna,
Denentzat duzu bihotz ona.
Entzun, Jainkoa, zuri otoizka nik errana,
Entzun zer deia, zer auhena.

Ona zare zu, ona, Jauna,
Denentzat duzu bihotz ona!

Herri, jendeak zaizkitzu denak etorriko,
Zuri egonen belauniko.
Nihor nola zu miragarrien egiteko,
Zu xoilki handi eta Jainko.

Ona zare zu, ona, Jauna,
Denentzat duzu bihotz ona!

Bainan zuk Jauna, maite baituzu maitatzea,
Eta hoin guti kexatzea.
Zu, amodioz eta egiaz hoin betea,
Nitaz urrikal, neri beha.

Ona zare zu, ona, Jauna,
Denentzat duzu bihotz ona!

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Partitura

Norberak kantzatzeko (tonu bat beherago)

Lur onean da hazia sartu :
Ekarriko du nasaiki fruitu.

Zu, Jauna, jausten bazintzaio,
Lurrak ur, bizi, bozkario.
Jaunak emanik, zer ibaia:
Lurren ontzeko ur nasaia.

Lur onean da hazia sartu :
Ekarriko du nasaiki fruitu.

Zuhauk ditutzu lurrak ontzen
Eta ildoak ihinztatzen.
Lur idorrari zuhauk euri
Eta sort-indar haziari.

Lur onean da hazia sartu :
Ekarriko du nasaiki fruitu.

Zure aurtengo urteari
Eman diozu on-iturri.
Non baitzare zu ibilia,
Bada nasaiki hor bizia.

Lur onean da hazia sartu :
Ekarriko du nasaiki fruitu.

Mortuko lurrek iturburu,
Mendiek lore, gainek soinu.
Zelaiek ogi, gainek ardi,
Denek irrintzin, kantu jauzi.

Lur onean da hazia sartu :
Ekarriko du nasaiki fruitu.

Partitura

Norberak kantatzeko (Tonu bat beherago)

Zure izena dut goretsiko mendez mende,

Zu zaitut Jainko, zu Errege.

Bai gora Jauna, zu zaitut Jainko, zu errege:

Zure izena dut aipatuko mendez mende.

Zuri eskerrak egun guzian zeru alde,

Goretsiko dut zure izena mendez mende.

Zure izena dut goretsiko mendez mende,

Zu zaitut Jainko, zu Errege.

Eztia eta guziz ona da gure Jauna:

Urrikaltsua eta bihotzik nasaiena.

Mundu guziko guzientzat da ona Jauna:

Egin dituen ororentzat du bihotz ona.

Zure izena dut goretsiko mendez mende,

Zu zaitut Jainko, zu Errege.

Zuhauk eginek, Jauna, goraipa zaitzatela:

Zure gizonek eskerrak zuri zor bezala.

Zuk erresuman duzun ospea diotela,

Aipa ere bai zure besoan den ahala.

Zure izena dut goretsiko mendez mende,

Zu zaitut Jainko, zu Errege.

Egia Jaunak, beti egia erranetan;

Saindu da eta dena bihotz da egintzetan.

Jaunak laguntzen bidean ezin-joan guziak:

Altxatzen ditu, berak altxatzen eroriak.

Zure izena dut goretsiko mendez mende,

Zu zaitut Jainko, zu Errege.

Urteko 14. Igandea A

L.a. 133 / S.a. 10

Zure betiko bihotz ona

Dut aipatuko beti, Jauna.

Jaunaren bihotz onari kantu sekulako,

Haren egia mendez mende dut aipatuko.

Bai betiko du guretzat harek amodio;

Hari egia zeruan berme dagokio.

Zure betiko bihotz ona

Dut aipatuko beti, Jauna.

Bai dohatsuak zuri daudenak dena jauzi,

Zure begien argi betean baitoatzi.

Zure izenaz bozkariotan daude beti,

Zuzentasunak baiteramatza bozik goiti.

Zure betiko bihotz ona

Dut aipatuko beti, Jauna.

Zu zaitugu zu bai indar eta bai dirdira,

Zure graziaz gure kopetak daude gora.

Gure begira badago beti Jauna bera,

Erregearen Jaun eta Nausi baita hura.

Zure betiko bihotz ona

Dut aipatuko beti, Jauna.

Itzulpena : Xavier Diharce – Iratzeder O.S.B.
Editions EZKILA . Tous droits réservés.
Airea : Gabriel Lerchundi O.S.B.
Tout droit propriété de l’abbaye de Belloc

Partitura

Norberak kantzatzeko:

Partitura

Zeru lurreko Jaun eta Jainko
Zaudee zu, Kristo, betiiereko.
Egin, herriek, esku zarta
Jaunari denek airos kanta.
Errege gaitza Jauna baita,
Hartaz bertzerik Jaunik ezta.

Zeru lurreko Jaun eta Jainko
Zaude zu, Kristo, betiereko.
Jainkoa doa zeruz zeru :
Jaunari denek adar-soinu.
Egin Jaunari soinu-kantu
Mundu zabala bere baitu.

Zeru lurreko Jaun eta Jainko
Zaude zu, Kristo, betiereko.
Errege baita munduz mundu,
Hari guziek soinu-kantu.
Herriak oro bere ditu,
Zeruetan du alki saindu.

Zeru lurreko Jaun eta Jainko
Zaude zu, Kristo, betiereko.

Musika lagun kantatzeko (Tonu bat et’erdi beherago)

Bai sekulako, zutan, Jauna,
dut gozatuko zoriona.
Jauna dut argi, Jauna geriza, ni nork izi?
Jauna dut lagun, nork behar nau ni dardarazi?
Hau dut Jaunari bakar bakarra, hau galdea:
Haren etxean bizi naizeno egoitea.
Haren gozoen gozoaz nadin beti goza
Begiz ikusiz Jainkoarena den egoitza.

Bai sekulako, zutan, Jauna,
dut gozatuko zoriona.
Entzun, Jainkoa, otoizka dagon nere boza!
Urrikal zaite, ihardets neri: otoi, mintza!
Bihotza deika, beha ta beha banabila,
Zure zeruko begitartea gaupez bila.

Bai sekulako, zutan, Jauna,
dut gozatuko zoriona.

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Musika lagun kantatzeko (Tonu bat et’erdi beherago):

26.salmoa izan zen Frantxua Garaten azken otoitza