Bihotz berri bat eman guri :
Pitz gutan, Jauna, gogo berri!
Urrikal zaite nitaz, Jauna,
Hoin duzu eta neurri gabeko bihotz ona.
Nere hobena ken errotik,
Garbi nezazu, garbi osoki bekatutik.

Bihotz berri bat eman guri :
Pitz gutan, Jauna, gogo berri!
Nere gaizkien berri dakit,
Hobenak oro beti begitan badagozkit.
Zuri dut, zuri egin kalte,
Gaizki zaizuna zure begitan dut nik bete.

Bihotz berri bat eman guri :
Pitz gutan, Jauna, gogo berri!
Bihotz berria ezar nitan,
Eta funtsezko xede azkarrak har ditzadan.
Zure begitik ez ni haiza,
Ez, Izpiritu Saindua kenduz, huts bihotza.

Bihotz berri bat eman guri :
Pitz gutan, Jauna, gogo berri!
Pitz berriz nitan zure boza;
Zerurateko gogo zabalak bete neza.
Jauna, ezpainak zabal neri,
Nere ahoak goraipa zaitzan herriz herri.

Bihotz berri bat eman guri :
Pitz gutan, Jauna, gogo berri!

Xavier Diharce – Iratzeder O.S.B.

Tonu bat beherago:

Zuk nauzu, Jauna, beiratuko
Salbamendua dut gerriko.
Dohatsu zinez bere gaizkitik garbi dena,
Baitu guzien barkamena.
Dohatsu zinez hoben gabetu den gizona,
Hak adiskide baitu Jauna.

Zuk nauzu, Jauna, beiratuko
Salbamendua dut gerriko.
Aitortu dautzut egina nuen bekatua,
Ez dut erdizka salatua.
Erran dut erran : « Aitortuko dut nik egina,
Barka zadazun, Jainko Jauna ».

Zuk nauzu, Jauna, beiratuko
Salbamendua dut gerriko.
Eta zuk, Jauna, kendu dautazu bekatua,
Behin, betikotz barkatua.
Gizon zuzenak, pitz, Jauna baitan, bozkaria !
Bihotz garbiak, hau loria !

Zuk nauzu, Jauna, beiratuko
Salbamendua dut gerriko.

                           Iratzeder

Mundu guziak Jaunari kantu,

bihotz hautsiak sendatzen ditu !

Aipa Jainkoa, ona baita :

Hain baita gozo, hari kanta !

Bihotz hautsiak piztu ditu,

Eta zauriak berak lotu.

Mundu guziak Jaunari kantu,

bihotz hautsiak sendatzen ditu !

Zenbat izar den kondu baitu,

Beren izenaz deitzen ditu.

Handia Jauna, izigarri,

Zuhurtasunaz ezin neurri.

Mundu guziak Jaunari kantu,

bihotz hautsiak sendatzen ditu !

Apalak ditu xut ezarri,

Buru harroak hits igorri.

Kanta Jaunari denek betan,

Hari eskerrak soinuz eman !

Mundu guziak Jaunari kantu,

bihotz hautsiak sendatzen ditu !

Iratzeder

Guziek egun bihotzez dugun Jauna entzun.
Zatozte, kanta Jainkoari,
Pizten gaituen Harrokari.
Joan gitzaiola soinuz ari,
Jaunari denak jauz kantari.
Zatozte, kanta Jainkoari,
Pizten gaituen Harrokari.
Guziek egun bihotzez dugun Jauna entzun.
Zatozte haren otoizteko,
Gauden ahuspez belauniko.
Jaunak eginak garelako,
Hura dugu bai denek Jainko.
Gu Jaunarena den jendea,
Eskuz dabilan artaldea.
Guziek egun bihotzez dugun Jauna entzun.
Egun agian, zuek egun,
Jainko Jaunaren deia entzun.
Ez bihotz gogor, otoi, izan,
Nola Meriban eta Mazan.
Aitek han gogor egin zuten,
Nik eginer hotz egon ziren.
Guziek egun bihotzez dugun Jauna entzun.

Iratzeder

Continuer la lecture de 39. salmoa →

Herri guziak belauniko
Zaizkizu, Jauna, etorriko.
Emozu, Jauna, zure argia erregeri,
Zuzen dabilan zu iduri ;
Zuzenki bezo mana zure den jendeari,
Zure xumentzat xuxen ari.

Herri guziak belauniko
Zaizkizu, Jauna, etorriko.
Haren urtetan zuzentasuna dena lore,
Lurra lur deno, denek bake.
Hak itsasotik itsasoraino denak bere,
Ibaiak eta lurrak ere.

Herri guziak belauniko
Zaizkizu, Jauna, etorriko.
Tarzizko eta urrungo jaunak ahuspeka,
Dena emaitza badabilzka.
Egonen zaizko lurreko jaunak belauniko:
Jende guziak haren peko.

Herri guziak belauniko
Zaizkizu, Jauna, etorriko.
Lagunduko du oihuz ari den behartsua
Eta guziek ukatua.
Dohakaberi luzatuko du maiz eskua.
Heien zain dago apaldua.

Herri guziak belauniko
Zaizkizu, Jauna, etorriko.

   Iratzeder

Itzulpena : Xavier Diharce – Iratzeder O.S.B.
Editions EZKILA . Tous droits réservés.

Airea : Gabriel Lerchundi O.S.B.
Tout droit propriété de l’abbaye de Belloc

Tonu bat et’erdi beherago:

Partitura

Continuer la lecture de 88. B. Zin egin duzu. 4. ig. →

partitura

Jaun zerukoak ez du ahanzten batasuna.
Jaunari kanta, gora kanta :
Haren izena zeru lurretan handi baita.
Herriak oro dei, bil-eta
Jaunak eginak aipatuz egin denek besta.

Jaun zerukoak ez du ahanzten batasuna.
Bai kantu hari, soinu hari :
Erran zoin diren haren egintzak miragarri.
Haren izena boz-iturri
Jaunaren bila ibilki diren bihotzeri.

Jaun zerukoak ez du ahanzten batasuna.
Gure Jainkoak zer ahala :
Haren zeruko begitartea denek bila.
Orroit zaitezte zor bezala
Miragarriak nasaiki egin dauzkigula.

Jaun zerukoak ez du ahanzten batasuna.
Abraham seme garelako,
Jakobtar eta haren gizonak baigitzaizko.
Eztu ahanzten batasuna
Menderen mende betierekotz dirauena.
Abrahameri hitzemana
Izaakeri goraki dio zin egina.

Jaun zerukoak ez du ahanzten batasuna.

partitura

Lur guziak du ikusia
Salbamenduko iguzkia.
Kanta Jaunari kantu berri,
Harek eginak oro baitire miragarri.
Salbatzaile da jeiki Jauna :
Ikusi dute zoin ona dugun, zoin zuzena.

Lur guziak du ikusia
Salbamenduko iguzkia.
Izraelentzat zer laguna !
Erakutsi du bere betiko bihotz ona.
Lur guziak du ikusia
Gure Jaunaren salbamenduko iguzkia.

Lur guziak du ikusia
Salbamenduko iguzkia.
Kanta Jaunari lur guzia :
Pitz eta kanta, bai bozkaria, bai loria.
Egin Jaunari soinu, kantu :
Jo xirribika, jo salmo-ttunttun eta xistu.

Lur guziak du ikusia
Salbamenduko iguzkia.

Partitura

Salbatzaile bat zaigu sortu :
Hura da Kristo, jaunen Jauna !
Kanta Jaunari kantu berri,
Kanta guziek herriz-herri.
Kanta Jaunaren izenari,
Mundu guzia jauz kantari.

Salbatzaile bat zaigu sortu :
Hura da Kristo, jaunen Jauna !
Aipa noiz nahi munduari
Zoin den orotan salbagarri.
Hura goraipa herriz herri,
Eman lurrez lur Haren berri.

Salbatzaile bat zaigu sortu :
Hura da Kristo, jaunen Jauna !
Zeru lurrak, pitz, egin kantu,
Itsas uhainek orro-soinu.
Zelaiek, eman bozik fruitu.
Oihan zuhaitzek, egin oihu.

Salbatzaile bat zaigu sortu :
Hura da Kristo, jaunen Jauna !
Bai egin oihu, soinu, kantu :
Heldu baitzaigu Jauna, heldu.
Dena behar du Hark zuzendu,
Dena zuzendu munduz mundu.

Salbatzaile bat zaigu sortu :
Hura da Kristo, jaunen Jauna !

Hitzak: Iratzeder.  Doinua: G. Lertxundi

Eguberri gaua 95. Salmoa
L.a. 130 / S.a. 33